10:16, 23 Qazan 2025

Astana – Ereımentaý baǵytynda poıyz ben úsh avtokólik soqtyǵysyp qala jazdady

ASTANA. KAZINFORM — 22 qazan kúni saǵat 16.27-de Astana – Ereımentaý ýchaskesiniń Edige – Ereımentaý aralyǵynda jolaýshylar poıyzynyń mashınısi 108 km/saǵ jyldamdyqpen kele jatyp retteletin, qorǵalmaıtyn temirjol ótkelinde shuǵyl tejeýdi qoldanýǵa májbúr boldy. Bul týraly «Qazaqstan temir joly» UK» AQ baspasóz qyzmeti málim etti. 

Foto: «Qazaqstan temir joly» UK» AQ

Poıyz jolyna kenet shyqqan úsh jeńil avtokólik úlken apatqa, tragedııaǵa sebep bola jazdady.

— Lokomotıv brıgadasynyń kásibı jáne jedel áreketi arqasynda soqtyǵysýdyń aldy alyndy. Jol erejesiniń buzylýyna jol bergender oqıǵa ornynan qashyp ketti. Poıyz marshrýt boıynsha 7 mınýtqa keshigip júrisin jalǵastyrdy. Quqyq buzýshylyq týraly aqparat quqyq qorǵaý organdaryna joldandy. Oqıǵanyń sebebi — júrgizýshilerdiń jol erejesin buzýy, — dep jazdy «Qazaqstan temir joly» UK» AQ baspasóz qyzmeti.

Eske sala keteıik, buǵan deıin QTJ bıyl 44 adamdy poıyz basyp ketkenin, 27 adam kóz jumǵanyn málimdegen bolatyn.

Jol apaty Jol erejesi Oqıǵa Poıyz Temirjol Qazaqstan temir joly

Baqytgúl Abaıqyzy

E.A. Bóketov atyndaǵy Qaraǵandy memlekettik ýnıversıtetiniń túlegi. L.N. Gýmelev atyndaǵy Eýrazııa Ulttyq Ýnıversıtetiniń magıstri. "Aqparat salasynyń úzdigi" salalyq tósbelgi ıegeri (2018 j.)