Astana EKSPO kezinde kólik keptelisimen qalaı kúrespek
Basqarma sarapshylarynyń paıymynsha, barynsha tıimdi sharalardyń biri - ýaqytsha turaqtary bolmaq.
«Ýaqytsha turaqtarynyń ustanymy mynadaı: kórme ortalyǵyna barǵysy kelgender óz kólikterin turaqta qaldyryp, qalaǵan jerlerine deıin qoǵamdyq kólikpen barady. Bul shara kóshe joldary jelisindegi júktemeni aıtarlyqtaı tómendetip, negizgi tas joldardaǵy keptelesterdiń sanyn azaıtady. Ýaqytsha turaqtaryn kúzet beketterimen jáne aqparattandyrý júıesimen jabdyqtaý josparlanǵan. Olar 2017 jyldyń 25 mamyrynda iske qosylady dep josparlanǵan. Ustap qalý turaqtary myna meken jaılarda ornalasady: Elordalyq tsırk, «Qazaqstan» SK, Oqýshylar saraıy, «Astana Arena» stadıony, «Barys Arena», «Dýman» OSO, qalalyq saıabaq, Beıbitshilik pen kelisim saraıy, Máńgilik el, Turan dańǵyldary boıyndaǵy turaqtar, «MusicHall» meıramhanasy, «Alataý» SK», 31-inshi kóshe, «Han Shatyr» SOSO», - dedi qalalyq jolaýshylar basqarmasynan.
Joldardaǵy kólik keptelisimen kúreske baǵyttalǵan sharalardyń biri túrli kásip qyzmetkerleriniń jumys kestelerin ózgertý bolmaq.
Esterińizge sala ketsek, 1 maýsymnan bastap elorda jańa jumys ýaqyt kestesine kóshedi. Astana qalalyq jolaýshylar kóligi basqarmasynyń bastyǵy Bekmyrza Igenberdınovtiń aıtýynsha, EKSPO-2017 halyqaralyq mamandandyrylǵan kórmesi qarsańynda jáne kórme kezinde elordada kólik sany arta túsetin bolady. Al bul óz kezeginde qala kóshelerinde keptelistiń kóptep oryn alýyna túrtki bolary anyq. «Osyǵan oraı jumys ýaqytyn saralaý myna ekonomıkalyq sanattarǵa júrgiziledi. Quqyq qorǵaý organdarynyń, medıtsına, bilim berý uıymdarynyń, balabaqsha, mektepterdiń jumys ýaqyty burynǵysha qaldyrylady. Qurylys uıymdarynyń jumys ýaqytyn saǵat 9-dan 7-ge, qalanyń kommýnaldyq qyzmetteri men ónerkásiptik jáne óndiristik sektorlaryn 9-dan 7.30-ǵa, halyqqa qyzmet kórsetý ortalyqtary men qarjy ınstıtýttaryn 9-dan 10-ǵa, saýda, oıyn-saýyq uıymdaryn 10-nan 10.30-ǵa, ulttyq kompanııalardy 9-dan 9.30-ǵa aýystyrý usynylady», - dedi Igenberdınov.
Sonymen qatar respýblııkalyq basqarý organdarynyń, jergilikti atqarýshy organdardyń jumys ýaqytyn saǵat 9-dan 8.30-ǵa, al joǵary oqý oryndary men mamandandyrylǵan oqý oryndarynyń jumys ýaqyty 9-dan 10-ǵa aýystyrylady.
Munan bólek, Astanada tańǵy saǵat 6.00-den bastap 23.00-ge deıin salmaǵy 3,5 tonnadan asatyn júk kólikteriniń qozǵalysyna shekteý engiziledi. Bul shekteý 2017 jyldyń 7 maýsymynan 12 qyrkúıekke deıin qoldanysta bolady.