Astana ekonomıkalyq forýmyna shaqyrylǵan spıkerlerdiń barlyǵy keledi
«Aǵymdaǵy jyly forýmǵa eń bedeldi spıkerler keledi. Olar forýmnyń negizgi «qozǵaýshy» kúshi bolmaq. Máselen, bıylǵy sharaǵa Arrle kompanııasynyń negizin qalaýshylardyń biri Stıv Voznıak, álemdegi bedeldi fýtýrıstiń biri Mıtıo Kaký qatysady. Sonymen qatar álemdegi bedeldi ekonomıstiń biri Djım O'nıl de forýmnyń mártebeli qonaǵy bolady. Munan bólek, qartaıý protsesin tejeý máselesin zertteýshi Obrı Dı Greıdiń keletindigin de atap ótkenimiz jón. Forýmǵa álemde eń birinshi bolyp adam aǵzasyn jasandy jolmen alǵan Entonı Atala da qatysady», - dedi Bolat Stolıarov.
Aıta keteıik, Global Challenges Summit 2018 baǵdarlamasy zamanaýı álemniń 11 mańyzdy syn-qaterleriniń aınalasynda qurylǵan: biryńǵaı ekonomıka jáne ǵalamdyq strategııa, resýrstar jáne taza energııa, uzaq ǵumyr jáne jańa adamzattyń álemi, tsıfrlandyrý, bolashaqtyń aqshasy, ǵalamdyq qaýipsizdik jáne ýrbanızatsııa. Global Challenges Summit 2018 Astanalyq ekonomıkalyq forým bazasynda 2018 jylǵy 17 mamyrdan 19 mamyrǵa deıingi aralyqta ótedi. Sammıt spıkerleri qatarynda Frantsııanyń burynǵy prezıdenti Olland Fransýa, fızık, fýtýrolog Mıtıo Kaký, Halyqaralyq olımpıada komıtetiniń Etıka jónindegi komıssııasynyń tóraǵasy jáne BUU-nyń burynǵy Bas hatshysy Pan Gı Mýn, Golman Sachs burynǵy tóraǵasy Djım O'Nıl jáne basqa da tanymal tulǵalar bar.
Foto: permforum.ru