Astana ekonomıkalyq forýmyna daıyndyq qyzý júrýde

ASTANA. 7 mamyr. QazAqparat - 2012 jylǵy 10 mamyrda V Astana ekonomıkalyq forýmyna daıyndyq barysy jaıynda baspasóz konferentsııasy ótedi. Oǵan  AEEKÝ ǵımaratynyń (Temirqazyq k-si, 65, 2-qabat), májilis-zalynda saǵat 11.00 bastalady.

Esterińizge sala keteıik, Astana ekonomıkalyq forýmy 2012 jylǵy mamyrdyń 22-24 aralyǵynda Astana qalasynda ótedi. Bıyl oǵan 80 elden 5000-nan astam  qatysýshy keledi dep josparlanyp otyr.

Forýmdaǵy ashyq pikir alańynda Qazaqstan Respýblıkasynyń Prezıdenti N.Á.Nazarbaev jáne 5 memlekettiń basshylary, 6 memlekettiń burynǵy prezıdentteri, 6 eks-premer-mınıstr, 25 qazirgi jáne burynǵy mınıstrler, sondaı-aq transulttyq kompanııalar men bıznestiń 40 shaqty jetekshileri, Nobel syılyǵynyń 12 laýreaty jáne álemge tanymal saıasat, ekonomıka jáne ǵylym ókilderi qatysady dep kútilýde.

Ekonomıka boıynsha Nobel syılyǵynyń 1994 jylǵy laýreaty Djon Nesh Astanadaǵy forýmnyń mańyzdylyǵyn bylaı baǵalady: «Mańyzdylyǵy boıynsha Astana ekonomıkalyq forýmy Davosta ótkiziletin kezdesýmen teńdes. Dúnıejúziniń jetekshi ekonomıka sarapshylaryn biriktire otyryp, Qazaqstan taǵy da tıimdi dıalog alańyna aınaldy. Meniń oıymsha, búgin Qazaqstan basqa Orta Azııa elderine damýdyń úlgisi bolyp tabylady».

Baspasóz máslıhatyna ǴEEKQ Atqarý organynyń tóraǵasy Qarymsaqov M.R., QR Indýstrııa jáne jańa tehnologııalar vıtse-mınıstri Týleýshın Q.A., «Ulttyq ınnovatsııalyq qor» AQ Basqarma tóraǵasy Qulseıitov A.J.,«Astana - jańa qala» AEA ákimshilendirý basqarmasynyń bastyǵy Maselov M.H., ǴEEKQ ǵylymı jetekshisi Esentúgelov A.E. jáne t.b. qatysyp, sóz sóıleıdi dep kútilýde. Olar BAQ ókilderine V Astana ekonomıkalyq forýmy barysynda ótetin negizgi sharalary týraly aıtyp, suraqtaryna jaýap beredi.