Astana Dúnıejúzilik týrıstik alıansqa múshe boldy

<p>ASTANA. KAZINFORM &ndash; Astana qalasy 30 qazan kúni Visit Astana týrıstik brendi retinde Dúnıejúzilik týrıstik alıanstyń (WTA) resmı múshesi boldy, - dep jazdy elorda ákimdigi saıty.</p>

Astana Dúnıejúzilik týrıstik alıanstyń jańa múshesi retinde halyqaralyq týrızmdi damytý jáne sheteldik qonaqtardy tartý úshin jańa múmkindikter ashady, Qazaqstannyń álemdik týrıstik arenadaǵy tartymdylyǵyn arttyrýǵa yqpal etedi.

«Xianghu Dialogue 2024» forýmy 1 qarashaǵa deıin jalǵasady. Onyń barysynda álemniń 45 elinen kelgen týrıstik ındýstrııa men halyqaralyq uıymdardyń jetekshi ókilderi qazirgi ekonomıkalyq úrdister men týrızmniń jańa baǵyttaryn talqylaıdy. Bıylǵy forým qatysýshylardy týrızm ındýstrııasynyń qazirgi jaǵdaıy men damý perspektıvalaryn talqylaýǵa shaqyratyn «Geared Up for a New Venture – The Future is Now» taqyrybymen ótip jatyr. 

Foto: gov.kz

Negizgi taqyryptarǵa mynalar jatady: týrızmdi turaqty damytý, halyqaralyq yntymaqtastyqty nyǵaıtý, elder arasyndaǵy týrıstik ózara is-qımyldy keńeıtý, sonymen qatar týrıstik ındýstrııadaǵy ınnovatsııalar men jasyl tehnologııalardyń róli.

Dúnıejúzilik týrıstik alıans – Qytaıda qurylǵan halyqaralyq uıym, ol ulttyq jáne aımaqtyq týrıstik birlestikterdi, týrıstik kompanııalardy, destınatsııalardy, ǵylymı-zertteý ınstıtýttaryn, BAQ jáne basqa da memlekettik jáne jeke týrıstik sýbektilerdi biriktiredi. 

Foto: gov.kz

Qazirgi ýaqytta WTA-ǵa 44 elden 242 múshe, onyń ishinde 45-ten astam salalyq qaýymdastyq, 80 iri týrıstik kompanııa jáne 14 oqý orny bar. WTA múshelerine CNN International, Qatar Tourism, Los Angeles Tourism & Convention Board, Japan Airlines, United Airlines, Hyatt Hotels, Aeroflot, Airbnb jáne basqalary sııaqty tanymal uıymdar kiredi.

Bıylǵy segiz aıda týrızm salasynda negizgi kapıtalǵa salynǵan ınvestıtsııa kólemi 527,6 mlrd teńgege jetkenin jazǵan bolatynbyz.