Astana Dımash Qudaıbergendi qarsy alady

ASTANA. QazAqparat - Erteń elordanyń Ortalyq kontsert zalynda Dımash Qudaıbergenmen kezdesý ótedi. Bul jaınyda QR Mádenıet jáne sport mınıstri Arystanbek Muhamedıuly óziniń Feısbýktegi paraqshasynda jazdy, dep habarlaıdy QazAqparat.

«Dostarym, erteń Astanada, Ortalyq kontsert zalynda saǵat 18-30-da biz Qytaıdaǵy «Singer-2017» halyqaralyq konkýrsynan úlken jeńispen Otanyna oralǵan Dımash Qudaıbergenge qurmet kórsetetin bolamyz. Kirý tegin, barlyǵyn osy sharaǵa qatysýǵa shaqyramyn. Dostar, Dımashty birge qarsy alaıyq», - dep jazdy Arystanbek Muhamedıuly.

Aıta keteıik, qazaq ánshisi Dımash Qudaıbergen qytaılyq Hýnan telearnasynyń «Singer 2017» án baıqaýynyń aqtyq básekesinde óner kórsetip, ekinshi oryndy jeńip aldy . 

Sheshýshi básekede Dımash Shań Venjemen birge Maıkl Djeksonnyń «The Way You Make Me Feel», «Erth song» jáne «Billie Jean» ánderin shyrqady. Sondaı-aq, kórermender Dımashtyń baraban aspabynda sheber oınaıtyndyǵyna tánti boldy.