«Astana daýysynda» Grıgorıı Leps, Arash, DJ Sava, Qaırat Nurtas óner kórsetedi

ASTANA. QazAqparat - Astanada alǵash ret qazirgi zamanǵy mýzyka oryndaýshylaryna músinsheler tabystaý rásimi ótedi, dep habarlaıdy qalalyq mádenıet, muraǵattar jáne qujattama basqarmasynyń baspasóz qyzmeti.

«Astana daýysy» halyqaralyq festıvaline Eýropa men Azııanyń 15 memleketinen úzdik ánshiler qatysady.

Tuńǵysh festıvalde Frantsııa, Nıderlandy, Shvetsııa, Bolgarııa, Rýmynııa, Albanııa, Moldova, Reseı, Ýkraına, Belarýs, Ózbekstan, Iran, Grýzııa jáne Qazaqstandaǵy mýzykalyq hıt-sherýlerdiń absolıýttik kóshbasshylary óner kórsetedi.

Halyq súıip tyńdaıtyn tanymal ári talantty, ǵajaıyp energııa ıeleri men mıllıondaǵan tabynýshylary bar oryndaýshylar «Astana daýysy» festıvalinde baqtaryn synamaq. Qazaqstannyń elordasynda sahna tórinde mýzyka ındýstrııasyna úrdis beretin ánshiler - Grıgorıı Leps, Svetlana Loboda, Bıanka, Vıllı Ýılıams, Ilıas ıAlchıntash, Arash, DJ Sava, Eva Sımons jáne basqalary óz sheberligin ortaǵa salady. Qazaqstannyń atynan festıvalge tanymal ánshi Qaırat Nurtas qatysady.

Kontsertte keńinen tanymal mýzykanyń úzdik kompozıtsııalary oryndalady.

Aıta keteıik, atalǵan ánshiler radıostantsııalar men mýzykalyq arnalarda reıtıngterde top jaryp, iTunes jáne Shazam qosymshalarynda kósh bastap otyr.

Úlken kontsert 27 tamyzda «Qazaqstan» OKZ ótedi. «Astana daýysy» festıvali elorda turǵyndary men qonaqtaryna jandy daýyspen oryndalǵan jyldyń úzdik kompozıtsııalaryn tyńdaýǵa múmkindik beredi.