«Astana» men «Chelsı» oıyny aldynda Almatyda Ortalyq stadıonǵa tegin avtobýstar júredi

<p>ALMATY. KAZINFORM &ndash; 12 jeltoqsan kúni saǵat 20:30-da Almaty qalasynyń Ortalyq stadıonynda UEFA Konferentsııa lıgasy aıasynda &laquo;Astana&raquo; men &laquo;Chelsı&raquo; komandalarynyń fýtbol matchy ótedi.</p>

Fýtbol jankúıerlerine stadıonnyń esigi 18:00-de ashylady. Almaty qalasynyń ákimdigi stadıonǵa kirý kezinde keptelis bolmas úshin jankúıerlerge Ortalyq stadıonǵa erterek kelip, qoǵamdyq kólikterdi paıdalanýǵa keńes berdi. 

Resmı málimetke sáıkes, kólik keptelisin boldyrmaý maqsatynda stadıonǵa jaqyn aýmaqtarda 12 jeltoqsan kúni saǵat 18:30-dan 00:00-ge deıin Abaı dańǵylynyń Baıtursynov kóshesinen Muqanov kóshesine deıingi aralyǵynda qozǵalys shekteledi. Al Baıtursynov kóshesinen Baızaqov kóshesine deıin Sátbaev kóshesi tolyq jabylady. Jaqyn mańdaǵy kóshelerde patrýldik polıtsııa beketteri qoıylady.

Qala ákimdigi jankúıerlerdiń Ortalyq stadıonǵa barýy jáne keri qaıtýy qolaıly bolý úshin 8 tegin avtobýs marshrýtyn uıymdastyrmaq. Ár marshrýtqa 10 avtobýstan bólinedi. Jınalý núktelerin 2GIS servısi arqyly kórýge bolady.

Olar:

* Qalqaman shaǵyn aýdany (№7 qalalyq aýrýhanaaıaldamasy) – Ortalyq stadıon. 

* Orbıta shaǵyn aýdany (Mustafın-Toraıǵyrov kósheleriniń qıylysy) – Ortalyq stadıon.

* Aınabulaq shaǵyn aýdany (Maqataev-Pavlodar kósheleriniń qıylysy) – Ortalyq stadıon. 

* «Halyq Arena» aıaldamasy (soltústik baǵyt) – Ortalyq stadıon. 

* Almaty-1 temirjol vokzaly aıaldamasy – Ortalyq stadıon. 

* «Raıymbek batyr» metropolıten beketi – Ortalyq stadıon. 

* Naýryzbaı aýdanynyń HQKO aıaldamasy – Ortalyq stadıon. 

* Momyshuly-Móńke bı kósheleriniń qıylysy aıaldamasy – Ortalyq stadıon.

Avtobýstar saǵat 16:00-den bastap júre bastaıdy jáne tolýyna qaraı jolǵa shyǵady.

- 12 jeltoqsan kúni qalada mınýs temperatýra bolady dep boljanady, synap baǵanasy shamamen -11 gradýs. Sondyqtan jyly ári yńǵaıly kıim kııý kerek. Qaýipsizdik sharalaryna baılanysty stadıon aýmaǵyna termos alyp kirýge tyıym salynady. Jankúıerler úshin stadıon ishinde ystyq sýsyndarmen jeńil taǵamdar satyp alýǵa bolatyn saýda núkteleri jumys isteıdi. Stadıon aınalasynda 60 bıodárethana, onyń ishinde múmkindigi shekteýli jandarǵa arnalǵan dárethanalar ornatylady, - dep habarlady ákimdikten. 

Eske salaıyq, buǵan deıin «Astana» men «Chelsı» komandalary arasyndaǵy oıyn Almatyda ótetinin jazǵanbyz.