Astana bıýdjeti І toqsanda 3,4 paıyzǵa artyq oryndaldy

ASTANA. QazAqparat - Elordanyń memlekettik bıýdjeti 2018 jyldyń birinshi toqsanynda 103,4 % ıgerildi, dep habarlaıdy «QazAqparat» tilshisi Astana boıynsha Memlekettik kirister departamentiniń baspasóz qyzmetine silteme jasap.

«Qalanyń áleýmettik-ekonomıkalyq kórsetkishteriniń oń dınamıkasy jáne salyqtyq ákimshilendirýdiń jańa tásilderi Astanaǵa memlekettik bıýdjettiń ósý qarqynyn qamtamasyz etýde jetekshi orynǵa ıe bolýyna múmkindik beredi»,-dep habarlaıdy vedomstvo.

Departamenttiń baspasóz qyzmetiniń habarlaýynsha, 2018 jyldyń birinshi toqsanynyń qorytyndylary boıynsha bıýdjet boljamy 7,4 mlrd teńgege (103,4%) nemese 227,2 mlrd teńgege, onyń ishinde 176,6 mlrd teńgege (100 ,7 %), jergilikti bıýdjet kirisi 51,6 mlrd teńge mólsherinde qamtamasyz etilip, boljam 6,2 mlrd teńgege (113,8 %) artyq oryndaldy.

«Joǵaryda keltirilgen kórsetkishter Astananyń ekonomıkalyq ósýine jaǵdaı jasaý, memlekettik kiristerdi jınaýdy ulǵaıtý jáne Astanadaǵy kóleńkeli ekonomıkaǵa tıimdi qarsy turýǵa jaǵdaı jasaýǵa baǵyttalǵan keshendi sharalardyń nátıjesi bolyp tabylady»,-dep habarlaıdy vedomstvo.