Astana -Býrabaı shıpajaıy aralyǵyna qatynaıtyn elektr poıyzy jańa úlgimen jabdyqtalǵan

ASTANA. QazAqparat - Elimizdiń  tanymal kýrort aımaǵynyń biri Býrabaıda demalýshylarǵa  elektr   poıyzdary Astanadan tikeleı «Býrabaı» demalys bazasyna kúndelikti júrip jatqanyna da birshama ýaqyt boldy.

Aıta keter jaıt, bul poıyzdyń artyqshylyǵy, oqys oqıǵalar bolǵan jaǵdaıda apattyq-qutqarý júıesiniń jolaýshylar men lokomotıv ekıpajynyń qaýipsizdigin qamtamasyz etýi.
 

Bul zamanaýı elektr  poıyzy Reseıdegi Demıhov mashına jasaý zaýytynda qurastyrylǵan. Onyń ereksheligi dızaıny jańartylǵan jáne  aerodınamıkalyq sıpattamalary jaqsartylǵan.
 

Jolaýshylar poıyzy 3 klasqa bólingen alty vagonnan turady. Al ár klasta  eki vagonnan, 377 jolaýshyǵa arnalǵan.
 

Ekinshi, úshinshi klastaǵy vagondardan birinshi klastaǵy vagonnyń aıyrmashylyǵy da onsha kóp emes. Artyqshylyǵy, 1- shi klastaǵy vagondarda ishki jaryqtandyrý deńgeıi joǵary. Vagondardaǵy kóz tartatyn ári tózimdi materıaldardan jasalǵan oryndyqtarda ózińizdi erkin sezinesiz. Sondaı-aq, munda qosymsha  júk qoıatyn oryn da bar.
 

EP-3D  serııasyndaǵy elektr poıyzynda ınnovatsııalyq jabdyqtar, únemdi jaryqdıodty jaryqtandyrý júıesi, aýany tazartý qurylǵylary qoldanylady.

 

Sondaı-aq, elektr poıyzy jyljymaly esiktermen jabdyqtalǵan. ıAǵnı, bir qolmen eki esikti bir mezgilde ashýǵa bolady.

 

Jolaýshylarǵa arnalǵan «BAR» - ornalasqan jolda júrek jalǵap alýǵa taptyrmaıtyn oryn.

 

Taǵy bir toqtalyp óteri, múmkindigi shekteýli jolaýshylar úshin arnaıy kótergishter bar jáne kireberis esiktegi arnaıy batyrma arqyly jolserikti shaqyrtýǵa bolady.  Vagondarda qaýipsizdik beldigimen jabdyqtalǵan arnaıy oryndar da eskerilgen.

 

Árbir vagonda aqparat taqtasynan poıyz jaıly qajetti málimetti alýǵa bolady. Sondaı-aq,  baǵytty kórsetetin elektrondy marshrýttyq taqtalar ornalasqan. 

  

Tastan Janatuly