«Astana» birinshi kezeńnen keıin «Chelsıden» jeńilip jatyr

<p>ASTANA. KAZINFORM &mdash; ÝEFA Konferentsııa lıgasy jalpy kezeńiniń besinshi týrynda &laquo;Astana&raquo; birinshi kezeńnen keıin &laquo;Chelsıden&raquo; jeńilip jatyr.</p>

Kezdesý barysynda anglııalyq klýbtan Mark Gıý 14, 19, Renatý Veıga 40-mınýtta úsh gol soqsa, oǵan 45-mınýtta elordalyq klýbtan Marın Tomasov bir golmen jaýap qaıyrdy. 

Bul oıynǵa anglııalyq klýb negizinen jastar quramyn alyp keldi.

Aıta ketsek, buǵan deıin «Astana» óz alańynda serbııalyq «TSTs Bachka-Topola» (1:0) komandasyn jeńse, portýgalııalyq «Vıtorııamen» (1:1) teń tústi. Syrt alańda Ýelstiń «Nıý-Seınts» (0:2), kıprlik «Pafos» (0:1) klýbtaryna ese jiberdi.

Aıta ketsek, Konferentsııa lıgasynyń pleı-off satysyna jalpy kezeńniń úzdik 24 komandasy joldama alady.

Qazirge deıin tórt týrda «Astananyń» enshisinde 4 upaı bar. Týrnır kestesinde 23-orynda tur. Al «Chelsı» tórt oıynnyń barlyǵynda jeńiske jetip, 12 upaımen birinshi orynda keledi.

Osyǵan deıin «Astana» - «Chelsı» kezdesýi aldynda Almatynyń Ortalyq stadıondaǵy jaǵdaıdy kórsettik.