«Astana Báıterek» ÁK: BUU QK múshe­ligine qabyldaný - álemdik qoǵamdastyqtyń elimiz­diń qaýipsizdikti saqtaýǵa qosqan úlesin joǵary baǵalaýy

ASTANA. QazAqparat - «Astana Báıterek» áıelder klýby el Prezıdenti N.Á.Nazarbaev pen barsha qazaqstandyqtardy elimizdiń BUU Qaýipsizdik Keńesiniń turaqty emes músheligine saılanýymen quttyqtaıdy.

«Terrorlyq jáne radıkaldyq qubylystar barlyq elder, búkil halyqaralyq qoǵamdastyq úshin jahandyq qater tóndiredi.

Memleket basshysynyń bastamalary qashanda osy qaterlerdi tek Ortalyq Azııa óńirinde ǵana emes, sondaı-aq, álemdik aýqymda joıýǵa baǵyttalyp keledi.

Prezıdenttiń asa mańyzdy tarıhı bastamalarynyń biri álemdik qoǵamdastyqty jahandyq únqatysý men yntymaqtastyqty damytýǵa, mılıtarıstik saıasattan bas tartýǵa jáne halyqaralyq uıymdardyń bitimgershilik rólin kúsheıtýge shaqyratyn «Álem. HHІ ǵasyr» manıfesi desek, qatelespeıtinimiz anyq.

Qazaqstannyń BUU Qaýipsizdik Keńesiniń múshe­ligine qabyldanýy álemdik qoǵamdastyqtyń elimiz­diń qaýipsizdikti saqtaý men beıbit bastamalar jasaý isine qosqan úlesin joǵary baǵalaýy bolyp tabylady», - dep jazylǵan quttyqtaýda.