Astana - barshamyzǵa ortaq baspana – Japonııa elshisi
Japonııa elshiliginiń ókilderi Keńes odaǵy kezinde tutqyndalyp, qaza tapqan japondyqtarǵa arnalǵan eskertkishtiń mańyn jınastyrdy. Sonymen qatar, senbilikke elorda turǵyndary da qosyldy. Olar qaıyń, qaraǵaı jáne basqa da aǵash túrlerinen 50 túp otyrǵyzdy.
Japonııanyń Qazaqstandaǵy Elshisi tarıh jáne mádenıet eskertkishterin abattandyrý jumystary óte mańyzdy ekenin atap ótti.
«Nura aýdanynyń barsha turǵynyna shyn júrekten alǵys aıtamyz. Qalada Japonııa men Qazaqstan arasyndaǵy dostyqtyń óte mańyzdy eskertkishi bar. Biz ortaq esteligimizdi jáne tarıhymyzdy máńgilikke saqtaǵymyz keledi. Elshilik qyzmetkerleriniń elorda turǵyndary retinde senbilikke qatysýy da úlken mártebe. Astana - barshamyz úshin ortaq baspana, sondyqtan qalamyzdaǵy tártip pen tazalyqty saqtaý - ortaq mindetimiz», - dedi elshi.
Aıta keteıik, sáýir aıynyń basynda Memleket basshysynyń tapsyrmasymen respýblıka boıynsha «Taza Qazaqstan» ekologııalyq aktsııasy bastaldy. Naýqan bes aptaǵa sozylady. Ər aptanyń ózindik ataýy men naqty maqsaty bar. Osy aptaǵa «Kıeli meken» ataýy berildi. Bul kúnderi tarıhı-mədenı eskertkishter aýmaǵyn abattandyrý jumystary iske asyrylyp jatyr.