«Astana bankiniń» eki salymshysy 10 mıllıondyq depozıtterin alýǵa asyǵar emes - QDKBQ
Salymshynyń tańdaýy boıynsha aqsha qolma-qol nemese banktik shotqa aýdarylýy múmkin.
Eýrazııalyq bank «Astana banki» AQ salymshylaryna ótemdi 2019 jylǵy 26 qańtardan bastap QDKBQ atynan jáne óz qarajaty esebinen tóleıdi. Salymshylar aldyndaǵy mindettemelerdiń 75%–y tólem bastalǵannan bastap alǵashqy úsh kúnde, 95% – y birinshi aıda óteldi. Búgingi tańda «Astana Banki» AQ salymshylaryna 37 mıllıard teńge tólendi, al agent bankke júginbegen salymshylardyń aldyndaǵy mindettemelerdiń qaldyǵy bastapqy mindettemeler somasynan tek 1%-dy quraıdy.
Tólem alýǵa ótinish bergen salymshylardyń sany kóp emes: «Astana Banki» AQ 268 myń salymshylarynyń tek 59 myń salymshysy agent bankke júgingen, al búkil aımaqtar boıynsha júginýlerdiń paıyzy 28%-dan aspaıdy. Negizgi sebep - az qaldyqty shottardyń kóp sany: talap etilmegen depozıtterdiń shamamen 95%-y bes myń teńgeden kem somaǵa, onyń ishinde 80%–y bir myń teńge sheginde. Salymshylar, ádette, shaǵyn depozıt boıynsha ótem alýǵa asyqpaıdy.
Alaıda, iri depozıtter qalýda: agent bankke áli ótinish bildirmegen eki salymshy eń joǵary ótem somasyna – 10 mıllıon teńge, 30 salymshy – mıllıon teńgeden astam, 346 adam – 100 myń teńgeden astam, 5 myń adamnyń 10 myń teńgeden astam depozıtteri bar.
Osy jaǵdaıda QDKBQ jáne Eýrazııalyq banki basshylyǵy «Astana Banki» AQ salymshylaryna olar turatyn jáne jumys isteıtin oryndarda tólem alý múmkindigin odan ary da qamtamasyz etý qajet dep sanady. Eýrazııalyq bank Qazaqstannyń 33 qalasynda usynylǵan jáne 17 fılıaly men 114 bólimshesi bar, al keıbir bólimsheleri demalys kúnderi de jumys isteıdi.
«Astana Banki» AQ salymshylaryn Eýrazııalyq banktiń kez kelgen bólimshesinde kútýde. Eger salymshy tólem alýǵa jeke ótinish bildirse, bólimshedegi shot menedjerine jeke basyn kýálandyratyn qujatpen júginý jetkilikti, sonymen qatar, ótinish blankisin sol jerde toltyrýǵa bolady. Ótinishti qaraýdyń jáne aqsha tóleýdiń eń uzaq merzimi –5 jumys kúni.
«Astana Banki» AQ 2018 jyldyń 18 qyrkúıeginde barlyq banktik operatsııalardy júrgizýge lıtsenzııadan aırylǵan bolatyn. 2018 jyldyń 26 qarashasynda Almaty qalasynyń mamandandyrylǵan aýdanaralyq ekonomıkalyq sotymen bankti yqtııarsyz taratý týraly sheshim qabyldandy – bul sheshim 2019 jyldyń 9 qańtarynda zańdy kúshine endi. 2019 jyldyń 26 qańtarynda «Evrazııalyq bank» AQ Qazaqstandyq depozıtterdi kepildendirý qorynyń atynan jáne qarajattary esebinen salymshylarǵa – jeke tulǵalarǵa jáne jeke kásipkerlerge óteýdi tóleı bastady.
Qazaqstannyń depozıtterge kepildik berý qory «Astana Banki» AQ, «Qazaq Banki» AQ jáne «Qazaqstan Eksımbanki» AQ salymshylaryna tólem jasaýdy jalǵastyrýda. Osy bankterdegi depozıtterdiń 99,3%-y tolyǵymen kepildikpen qorǵaldy jáne salymshylar jınaqtalǵan syıaqysy bar óz depozıtiniń tolyq somasyna ótemaqy aldy nemese alýǵa quqyly.
Árbir úsh banktiń salymshylary aldynda oryndalǵan mindettemelerdiń paıyzy 98% – dan asady: «Astana Banki» AQ – 98,8%, «Qazaq Banki» AQ–98,9%, «Qazaqstan Eksımbanki» AQ– 99,4%. Qazirgi ýaqytta úsh banktiń salymshylaryna Qazaqstandyq depozıtterge kepildik berý qorynyń rezervinen 57,7 mıllıard teńge tólendi.
Zańnamaǵa engizilgen sońǵy ózgeristerge sáıkes, 2020 jyldyń 1 qańtarynan bastap QDKBQ barlyq bank operatsııalaryn júrgizýge lıtsenzııadan banktiń aırylý kúninen bastap 35 jumys kúni ishinde tóleýdi bastaıdy – sot sheshimderin kútý alynyp tastaldy.