Astana-Bangkok baǵytynda tikeleı áýe reısi ashylady

ASTANA. 24 jeltoqsan. QazAqparat - 29 jeltoqsanda elorda áýejaıy Astanadan Bangkok baǵytyndaǵy tikeleı áýe reısin oryndaýǵa kirisedi. Atalǵan baǵyttaǵy áýe reısin «SCAT» áýe kompanııasy oryndaıdy. Bul týraly astana.kz saıtyna atalǵan áýe kompanııasynyń baspasóz qyzmetinen habarlady.

Astana-Bangkok baǵytynda Sunday Airlines brendimen Boeing 757-200 ushaǵy aptasyna eki ret sársenbi jáne jeksenbi kúnderi ushady. Sapardyń uzaqtyǵy - 7 saǵat.

«Bangkok baǵytyndaǵy jańa reıstiń ashylýy kompanııanyń Qazaqstannyń qalalarynan 7 saǵattyq jerdegi álemniń iri qalalarymen tikeleı áýe qatynastaryn damytý baǵdarlamasy boıynsha jasaǵan kezekti qadamy bolyp tabylady. Sondaı-aq, bul eki el arasyndaǵy iskerlik, mádenı jáne týrıstik saparlarǵa degen joǵary suranysty qanaǵattandyrýǵa múmkindik beredi», - dedi «SCAT» áýe kompanııasynyń prezıdenti Vladımır Denısov.

Aıta keteıik, Bangkok halyqaralyq baǵyttar jelisine engen Taıland eliniń ekinshi qalasy. Bes jyldan beri kompanııa dástúrli túrde Astana men Almatydan Taılandtyń Ýtapao halyqaralyq áýejaıyna maýsymdyq charterlik reıster oryndap keledi.