«Astana Balet» teatrynda qańtar aıynda qandaı is-sharalar ótedi

<p>Qańtar aıynda &laquo;Astana Balet&raquo; teatry kórermenderdi birden birneshe spektakldi tamashalaýǵa shaqyrady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

10-13 qańtar aralyǵynda elorda turǵyndary men qonaqtary belgili dat jazýshysy Gans Krıstıan Andersenniń attas ertegisiniń jelisi boıynsha R. Salımovtyń mýzykasyna G. Kovtýn qoıǵan «Qar hanshaıymy» spektaklin tamashalaı alady.

Balet maestro Elmar Bóribaevtyń jetekshiligimen teatrdyń sımfonııalyq orkestriniń súıemeldeýimen ótedi.

Aıta ketý kerek, qoıylym «Úzdik balalar qoıylymy» atalymy boıynsha «Umaı» syılyǵymen marapattaldy.

20-qańtarda maestro Elmar Bóribaevtyń jetekshiligimen sımfonııalyq orkestrdiń «Romantızm kemeńgeri» atty kontserti ótedi. Baǵdarlama aıasynda áıgili vıolonchel kontserti men Úshinshi «Reın» sımfonııasy oryndalady. Solıst – respýblıkalyq jáne halyqaralyq baıqaýlardyń laýreaty Ermek Qurmanaev.

26-27 qańtarda teatr N.Kalınınanyń horeografııasymen qoıylǵan «Kúlshe qyz» baletin usynady. Sergeı Prokofevtiń ǵajaıyp mýzykasyn qoıýshy-dırıjer Arman Orazǵalıevtiń jetekshiligindegi teatrdyń sımfonııalyq orkestri oryndaıdy.

Sharl Perronyń áńgimesi balet úshin óte qolaıly: ǵajaıyp qubylýlar, saraıdaǵy bı keshi, mahabbat týraly ápsana men jaqsylyq saltanat qurǵan fınal.

Іs-sharalar Qazaqstan Respýblıkasy Mádenıet jáne aqparat mınıstrliginiń qoldaýymen ótedi.