Astana aınalasyna 7 blokpost qoıyldy

<p>Elordada shet memleketter basshylarynyń qatysýymen ótetin iri qoǵamdyq-saıası is-sharalarǵa baılanysty polıtsııa qyzmeti kúsheıtilgen jumys rejımine aýysty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Qurmetti qala turǵyndary jáne qonaqtary! Elordada aldaǵy ýaqytta shet memleketter basshylarynyń qatysýymen ótetin iri qoǵamdyq-saıası is-sharalarǵa baılanysty quqyqtyq tártip pen qaýipsizdikti qorǵaýdyń tıisti deńgeıin qamtamasyz etý úshin polıtsııa departamentiniń jeke quramy kúsheıtilgen qyzmetke kóshti», - dep jazylǵan qalalyq polıtsııa departamentiniń resmı habarlamasynda.

Búginnen, ıaǵnı 31 qazan saǵat 8.00-den bastap qalanyń perımetri boıynsha Qaraǵandy, Qosshy, Kókshetaý, Pavlodar qalalarynyń, sonymen qatar Qorǵaljyn, Astarhanka kentterinen, halyqaralyq áýejaıdan qalaǵa keletin joldarǵa 7 blokpost qoıyldy.

«Bul shara azamattardyń qujattaryn, sondaı-aq avtokólikte tyıym salynǵan zattardyń bar-joǵyn tekserýge baǵyttalady. Qala turǵyndary men qonaqtarynan atalǵan is-shara men keltirilgen qolaısyzdyqtarǵa túsinistiktik tanytýlaryńyz suralady», - deıdi departament.

Aıta keteıik, 1 qarashada Memleket basshysy Qasym-Jomart Toqaevtyń shaqyrýymen Frantsııa Prezıdenti Emmanıýel Makron Qazaqstanǵa resmı saparmen keledi.

Al 2 qarashada Astana qalasyna Majarstan Premer-mınıstri Vıktor Orban resmı sapar jasaıdy.

3 qarashada elordada Túrki memleketteri uıymynyń (TMU) mereıtoılyq H sammıti ótedi.

Jıynǵa Túrki memleketteri uıymyna múshe elder – Ázerbaıjan, Qyrǵyzstan, Túrkııa, Ózbekstan prezıdentteri, sondaı-aq TMU-ǵa baqylaýshy memleketter – Majarstan men Túrikmenstan basshylary qatysady.