Astana avtobýstarynyń júrgizýshileri týraly beınerolık túsirildi
«Búgin biz táýelsiz Qazaqstannyń damýyna qatysatyn mańyzdy adamdardyń biri – qoǵamdyq kólik júrgizýshilerin atap ótkimiz keledi. Olar tań atysynan bastap adamdardy jumysqa, oqýǵa, jattyǵýǵa, týystaryna nemese dostaryna qonaqqa aparady. Qoǵamdyq kólik qalanyń, eldiń tynys-tirshiliginiń mańyzdy quramdas bóligi», - dedi kompanııadan.
Elorda avtobýstarynda 30 jyldyq tájirıbesi bar jáne Táýelsizdikpen qurdas júrgizýshiler jumys isteıdi.
«Meniń jumys kúnim qala áli uıyqtap jatqanda bastalady. Óıtkeni, meniń mamandyǵym jańa kúnniń ómir yrǵaǵyn belgileıdi. Osy salada jumys istegenime 30 jyl boldy. Osy jyldar ishinde mańyzdy da, qajetti qoǵamdyq kólik júrgizýshisi mamandyǵyn jalǵastyratyn jańa býyn ósti», - dedi Qanat Kúltaev.
Al Arman Tókenov – Táýelsizdiktiń qurdasy. Ol da ómirin qoǵam úshin paıdaly jumyspen baılanystyrǵan.
«Men Táýelsiz Qazaqstannyń qurdasymyn jáne atalarym armandaǵan erkin elde turamyn. Men qoǵamǵa paıdaly bolǵanyma qýanyshtymyn. Sondyqtan adamdarǵa qajetti mamandyqty tańdadym. Iá, meniń jumysym ońaı emes. Biraq adamdardyń ómirine qatysa otyryp, men elimizdiń órkendeýine úles qosamyn. Táýelsizdik kúnimen!», - deıdi avtobýs júrgizýshisi A. Tókenov.