Astana avtobýstarynda jol aqysyn bank kartasymen tóleýge bolady

NUR-SULTAN. QazAqparat - 18 qazannan bastap Nur-Sultan qalasynda birneshe qoǵamdyq kólik baǵyttarynda jol júrý aqysyn kez kelgen ekinshi deńgeıdegi banktiń kartasymen tóleýge bolady, dep habarlaıdy QazAqparat.

CTS kompanııasynyń málimetinshe, bul jańashyldyq pılottyq rejımde iske qosylady jáne 31 qazanǵa deıin jalǵasady.
«VISA jáne Mastercard kartalary, sondaı-aq NFC júıesimen jabdyqtalǵan smartfon arqyly tólem jasaýǵa bolady. Tranzaktsııa úshin olardy valıdatordyń janynda ornalasqan arnaıy termınalǵa tıgizý jetkilikti», - dedi kompanııadan.
Aıta keteıik, pılottyq joba №61 qalalyq baǵyttaǵy úsh avtobýsta, sondaı-aq qala mańyna qatynaıtyn №309, 310, 315 baǵdarlarda júzege asyrylady. Avtobýstar arnaıy sáıkestendirý japsyrmalarymen erekshelenedi.
Bank kartasymen tóleý kezindegi jol júrý quny ózgerissiz qalady.
Pılottyq joba bank kartasymen jol aqysyn tóleý valıdatorlaryn synaqtan ótkizýge múmkindik beredi. Keıin bul qyzmet barlyq avtobýstarda qoljetimdi bolmaq.