Astana áýejaıyna jańa ataý berý elimizdiń ımıdjine oń áserin tıgizedi - ǵalym
Atalǵan ózgeriske qatysty L.N. Gýmılev atyndaǵy Eýrazııa ulttyq ýnıversıteti Etnosaralyq qatynastar ortalyǵynyń dırektory, tarıh ǵylymdarynyń doktory S. Syzdyqov ózinińoıyn bildirdi.
Ǵalymnyń paıymynsha, Astana qalasyn elimizdiń elordasy retinde bekitý Elbasy N.Á. Nazarbaevtyń sheshimi edi. Sondyqtan da búgingi tańda Astana halyqaralyq áýejaıyna Memleket basshysynyń esimin berýi oryndy.
«Qazirgi ýaqytta kóptegen shet memleketteriniń azamattarynan «Qazaqstan týraly ne bilesiz?» degende kóbisi «N.Nazarbaev», «Astana» dep jaýap beredi. Osy oraıda, Astana halyqaralyq áýejaıyna jańa ataý berý elimizdiń ımıdjine, sheteldik qonaqtardyń, ınvestorlardyń kelýine oń áserin tıgizýi haq»,- deıdi ǵalym.
Sondaı-aq Qazaqstan ózbekteri etnomádenı birlestikteriniń «Dўstlık» qaýymdastyǵy tóraǵasy I.Hashımjanov joǵaryda atalǵan ózgeriske pikir aıtýdan syrt qalmady.
«Kópultty qazaqstandyqtardyń - eldigi men birligi, erligimen eńbegi synalyp, shyńdalyp talaı asýlardy baǵyndyrdy. Bul jetistikterimizdiń barlyǵy Ult Kóshbasshysynyń arqasynda ekendigi barshamyzǵa málim. Elbasymyzdyń el birligi, jer tutastyǵy, memlekettiń qýatty da tabysty bolýyna, halyqtyń bolashaǵy men taǵdyryn oılaıtyny ár bir adamdyń kóńilinen shyǵyp otyr. Qazaqstandy mekendegen ár alýan etnos ókilderi qoǵamdaǵy turaqtylyq pen kelisimdi qalyptasýyna ózderiniń úlken úlesterin qosýda. Astana halyqaralyq áýejaıyna «Nursultan Nazarbaev halyqaralyq áýejaıy» bolyp qaıta atalýy búkil halqymyzdyń qurmeti»,- dedi ol.
«Dўstlık» qaýymdastyǵy tóraǵasy Ult kóshbasshysy Táýelsiz memleketimizdi 25 jyl ishinde álemge pash etip qazaq halqynyń abyroıyn kóterdi. Elimizdiń 2050 jylǵa deıingi ekonomıkalyq, saıası jáne rýhanı jańǵyrýymen damýyn jańa baǵyttaryn kórsetip berdi dep atap aıtty.