Astana áýejaıynyń ushý-qoný jolaǵy búgin túnde jabylmaıdy
«Áýejaı shtattyq rejımde jumys isteıdi. Barlyq keshiktirilgen reıster kestege saı oryndalatyn bolady. Bizdiń basty maqsatymyz - jolaýshylarymyzdyń qaýipsizdigi men jaılylyǵyn qamtamasyz etý»,-dep jazdy áýejaıdyń baspasóz qyzmeti.
Aıta keteıik, osyǵan deıin elorda áýejaıynan barlyq reıs ýaqytsha toqtatylyp, áýejaı eki saǵatqa jabylǵany habarlandy. Tótenshe jaǵdaıǵa qatysty qala áýejaıynyń baspasóz qyzmeti túsinikteme berdi.
«Jergilikti ýaqyt saǵat 16:00-de Swissair áýe kompanııasynyń Tokıodan Tsıýrıhke 777-300ER (rotanyń borttyq nómiri HBJNI) ushqan SVR161 reısi Astana áýejaıyna shuǵyl qondy. Ekıpaj 50 jastaǵy jolaýshynyń ınsýlt alý múmkindigine baılanysty qonýǵa sheshim qabyldaǵan. Saǵat 16:00-de ushaq sátti qonǵannan keıin, ushý-qoný jolyndaǵy burylys kezinde ekıpaj qateliginen ushaq jolaqtan syrǵyp ketti. Osyǵan baılanysty saǵat 16:03-te apattyq-qutqarý jumystaryn júrgizý úshin eskertý jarııalandy», - dep jazdy baspasóz qyzmeti.
Sondaı-aq, keıin elorda áýejaıynyń jumysy qaıta jandanǵany hazyldy.