Azamattyq avıatsııa komıteti Astana áýejaıyndaǵy reısterdiń keshigýine qatysty túsinikteme berdi

<p>ASTANA. KAZINFORM &mdash; &nbsp;28 maýsymnan bastap Astana qalasynyń áýejaıyndaǵy reısterdiń keshigýi 3-4 shildege josparlanǵan Shanhaı uıymynyń sammıtine daıyndyq sheńberindegi Qazaqstan Respýblıkasy Qorǵanys mınıstrligi ushaqtarynyń daıyndyq júrgizýine oraı Astana qalasynyń áýejaıyndaǵy áýe keńistiginiń ýaqytsha jabylýymen baılanysty oryn alyp otyr.</p>

«Daıyndyq maqsatyndaǵy reıster 30 maýsymǵa deıin saǵat 09.25-ten 10.20-ǵa deıin oryndalatyn bolady. Osyǵan oraı oryn alyp otyrǵan ýaqytsha shekteýlerge túsinistikpen qaraýdy suraımyz. Jolaýshylarǵa osy ýaqyt aralyǵynda áýe kompanııalarynan ushý ýaqytyn aldyn ala naqtylap alý usynylady», — delingen habarlamada.

Buǵan deıin áýe kompanııalary men Qazaqstan Respýblıkasynyń Qorǵanys mınıstrligi buqaralyq aqparat quraldary arqyly jolaýshylardy aldyn ala habardar etý, sondaı-aq sms habarlamalar men elektrondyq hattardy jiberý arqyly jumys júrgizgen bolatyn.

Sonymen birge áýe keńistiginiń ýaqytsha jabylýyna oraı bolyp jatqan kidirister basqa qalalarda, atap aıtqanda Astana jáne Almaty qalalaryndaǵy reısterdiń keshigýine ákep soǵýy múmkin ekenin atap ótken jón.