Astana áýejaıynda jolaýshydan maımyl sheshegi anyqtaldy - feık

<p>ASTANA. KAZINFORM - Áleýmettik jelilerde taralǵan Astana áýejaıynda jolaýshydan maımyl sheshegi anyqtalǵany týraly aqparat shyndyqqa sáıkes kelmeıdi, dep habarlaıdy QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń baspasóz qyzmeti.&nbsp;</p>

"Jalǵan aqparat kórsetilgen jarııalanymdarda maımyl shesheginiń elge enýine qarsy daıyndyq boıynsha ótkizilgen vedomstvoaralyq oqý-jattyǵý barysynda túsirilgen beınematerıal qoldanylǵan.

QR DSM Sanıtarııalyq-epıdemıologııalyq baqylaý komıteti Qazaqstanda maımyl sheshegi aýrýynyń birde-bir jaǵdaıy tirkelmegenin málimdeıdi.

Maımyl shesheginiń elimizge enýiniń aldyn alý maqsatynda ótkizý pýnktterinde sanıtarııalyq-karantındik baqylaý kúsheıtildi.

Jalǵan aqparat taratqan adamdardyń áreketterine quqyqtyq baǵa berý úshin materıaldar quqyq qorǵaý organdaryna joldandy.

Áleýmettik jeli qoldanýshylaryn jáne barlyq azamattardy tek resmı derekkózderden alynǵan senimdi aqparatqa ǵana senýge shaqyramyz" dep jazady vedomstvo baspasóz qyzmeti.

Aıta keteıik, buǵan deıin Astana men Almaty áýejaılarynda maımyl sheshegi ınfektsııasyna qarsy oqý-jattyǵý ótken bolatyn. 

Sondaı-aq, Premer-Mınıstr maımyl sheshegine qatysty áýejaılarda baqylaý jumystaryn kúsheıtýdi tapsyrǵan bolatyn.