Astana áýejaıynda kondıtsıoner durys istemeı, ystyq býyp tur

<p>ASTANA. KAZINFORM — Astana halyqaralyq áýejaıynyń baspasóz qyzmeti jaǵdaıdy túsindirdi. </p>

Elorda áýejaıy qazirgi ýaqytta termınaldardaǵy tıisti mıkroklımatty qamtamasyz etý, sondaı-aq búkil qajetti sanıtarlyq-epıdemıologııalyq talaptardy saqtaý maqsatynda áýejaıda klımattyq baqylaý jabdyqtary júıesin qalpyna keltirý jumystary júrgizilip jatqanyn habarlady.

Aıtýlarynsha, ǵımarattardy salqyndatý jabdyǵynyń joǵary júktemesine baılanysty salqyndatqyshty basqarý júıesi tómengi qýatynda jumys istep tur. 

Foto: Astana halyqaralyq áýejaıy

Sol sebepti qazirgi ýaqytta áýejaıdaǵy aýa temperatýrasyn retteý úshin jóndeý jáne qalpyna keltirý jumystary qarqyndy júrip jatyr. 

«Biz jolaýshylardan jaǵdaıǵa túsinistik pen tózimdilik tanytýyn suraımyz. Áýejaı jolaýshylardyń jaılylyǵy men qaýipsizdigin tolyq qamtamasyz etý úshin qoldan kelgenniń bárin jasaıdy» deıdi áýejaıdyń baspasóz qyzmetinen.

Dál qazir Astanada termometr baǵany 20 gradýs jylyny kórsetip tur.