Astana áýejaıynda avtoturaq qymbattaıdy

<p>ASTANA. KAZINFORM &ndash; Nursultan Nazarbaev halyqaralyq áýejaıy nysan aýmaǵyndaǵy aqyly avtoturaqqa kólik qańtarý quny artatynyn eskertti.</p>

«Turaq aımaǵynyń, jabyq parkınginiń, áýejaıdyń ekspress jelisi men birinshi jolaǵynyń ınfraqurylymyn jaqsartý jáne jolaýshylarǵa qyzmet kórsetýdi tıisti deńgeıde ustaý úshin, sondaı-aq obektini ustaýǵa jumsalatyn shyǵystardyń ulǵaıýyna, onyń ishinde 2024 jylǵa arnalǵan kommýnaldyq qyzmetterdiń tarıfteri ulǵaıýyna jáne ınflıatsııanyń ósýine baılanysty, Sizderdi 2024 jylǵy 15 qazannan bastap qyzmet kórsetýshi kompanııa «Smart Parking Technologies» JShS-nyń qosymshada kórsetilgen baǵalarǵa sáıkes turaq ornyn jalǵa berý qyzmeti úshin tarıftik jospary ózgergeni týraly habardar etemiz», - dep jazylǵan áýejaıdyń áleýmettik jelige jarııalanǵan habarlamasynda. 

Foto: Nursultan Nazarbaev halyqaralyq áýejaıy

Eske salsaq, Astana qalasyndaǵy aqyly turaq oryndarynyń sany 10 myńǵa deıin jetkiziledi. Ol úshin taǵy 2800 avtoturaq ornyn aqyly etý kózdelip otyr.