Astana áýejaıynda 85 mln teńgeniń kollektsııalyq monetalaryn alyp bara jatqan eki adam ustaldy
15:52, 07 Qazan 2023
<p>Bul týraly <a href="https://kaz.inform.kz/" target="_blank" rel="noopener">QazAqparat </a>QR Ulttyq qaýipsizdik komıtetiniń <a href="https://t.me/knbgov_kz" target="_blank" rel="noopener">baspasóz </a>qyzmetine silteme jasap habarlady.</p>
Baspasóz qyzmetiniń málimetterine qaraǵanda, 2023 jylǵy 7 qazanda Astana qalasynyń halyqaralyq áýejaıynda UQK Shekara qyzmeti shekaralyq baqylaý basqarmasynyń áskerı qyzmetshileri prokýratýra jáne áýejaıdy tekserý qyzmetimen birlesip, deklaratsııalanbaǵan kollektsııalyq monetalardy alyp júrdi degen kúdikpen Qazaqstannyń eki azamatyn ustady.
Aldyn ala derekter boıynsha nomınaly 100 jáne 50 myń teńge, sondaı-aq salmaǵy 2 jáne 1 kg monetalar tıisinshe 999 synamaly altynnan jasalǵan.
Tárkilengen zattyń aldyn ala kedendik quny shamamen 85 mln teńgeni quraıdy.
«Quqyq buzýshylar is júrgizý sheshimin qabyldaý úshin quzyretti organdarǵa berildi»,-delingen UQK baspasóz qyzmeti taratqan aqparatta.