Astana áýejaıynda 18 reıs keshiktirilip jatyr

<p>ASTANA. KAZINFORM - Astana halyqaralyq áýejaıyndaǵy órt aýyzdyqtaldy, ázirge 18 reıs keshiktirilip jatyr.&nbsp;</p>

«27 aqpan saǵat 07:50–de Astana halyqaralyq áýejaıynyń kommýtatsııalyq júıesinen órt shyqqany týraly habarlama keldi. 08:24–te órt tolyqtaı aýyzdyqtaldy. Órt sóndirý kezinde qoıý tútinniń paıda bolýyna baılanysty áýejaı termınalyndaǵy barlyq jolaýshy qaýipsiz jerge evakýatsııalandy», — dep jazylǵan Astana halyqaralyq áýejaıynyń habarlamasynda.

Órtti sóndirýge 20 tehnıka, 3 arnaıy tehnıka jáne 58 adam jumyldyryldy.

Astana halyqaralyq áýejaıy ushyp keletin reısterdi qabyldaýdy toqtatqan joq.

Foto: Kazinform

Alaıda ushatyn 18 reıs keshiktirilip jatyr:

1. KS205 Astana — Dýbaı
2. DV702 Astana — Shymkent
3. KS 952 Astana — Almaty
4. IQ389 Astana — Jezqazǵan
5. KS 7052 Astana — Almaty
6. DV783 Astana — Óskemen
7. KS 313 Astana — Aqtaý
8. TK 357 Astana — Ystambul
9. DV 747 Astana — Pavlodar
10.  KS7341 Astana — Qostanaı
11.  DV821 Astana — Pýlkovo
12.  KS 852 Astana — Almaty
13.  KS7315 Astana — Qyzylorda
14.  Lo196 Astana — Varshava
15.  IQ367 Astana — Qostanaı
16.  DV716 Astana — Shymkent
17.  IQ437 Astana — Petropavl
18.  KS345 Astana — Óskemen.

«Keshiktirilgen reısterdiń naqty ushý ýaqyty belgisiz. Jaǵdaı turaqtalǵannan soń reıster qalypqa keltiriledi. Qolaısyzdyq úshin jolaýshylarymyzdan keshirim suraımyz. Jolaýshylarǵa Astana halyqaralyq áýejaıynyń ákimshiligi sý men sýsyn usynýda. Aldaǵy ýaqytta ákimshilik jolaýshylardy jeńil taǵammen qamtamasyz etedi», — dep habarlaıdy edordalyq áýejaıdyń baspasóz qyzmeti.

Osyǵan deıin Astana halyqaralyq áýejaıynan órt shyǵyp, adamdar evakýatsııalanǵanyn habarladyq.