Astana áýejaıynan ushatyn 7 reıs jáne ushyp keletin 8 reıs toqtatyldy
«Astana qalasy áýejaıynyń áýeaılaǵynda sekýndyna 19 metr jyldamdyqpen jáne ekpini sekýndyna 23 metrge deıin qatty jel soǵyp tur. Mundaı aýa-raıy ushaqtardyń ushýy men qonýy kezinde qıyndyqtar týǵyzýy múmkin. Sondyqtan áýe kompanııalary jolaýshylar men ekıpajdardyń qaýipsizdigin qamtamasyz etý úshin reısterdi toqtatý nemese keshiktirý týraly sheshimder qabyldaıdy», - dep atap ótedi áýejaıdan.
Áýejaı málimetinshe, búgin elorda áýejaıynda 72 reıs josparlanǵan bolatyn. Onyń ishinde ushatyn 7 reıs, ushyp keletin 8 reıs toqtatyldy. Sonymen qatar, ushýǵa 6 reıs, al ushyp kelýge 12 reıs ýaqyty keshiktirildi. Bul kidirister men toqtatýlar qolaısyz meteojaǵdaılarmen jáne ushý qaýipsizdigin qamtamasyz etý boıynsha qabyldanyp jatqan sharalarmen baılanysty.
Jolaýshylar óz reısteri týraly aqparatty alý úshin tıisti áýe kompanııalarmen baılanysýy kerek.
Áýeaılaqty qalyń qardan tazalaý jumystary úzdiksiz júrip jatyr. Qazir bul jumystarǵa 23 arnaıy tehnıka jumyldyrylǵan.
Reıster týraly aqparatty Astana halyqaralyq áýejaıynyń resmı saıtynan nn-airport.kz qaraýǵa bolady. Sondaı-aq elorda áýejaıynda táýlik boıy baılanys ortalyǵy jumys isteıdi: 8(7172)702-999.