Astana áýejaıynda keshiktirilgen ushaqtar usha bastady

<p>ASTANA. KAZINFORM - Elorda áýejaıyndaǵy jaǵdaı turaqtalyp keledi. Áýejaıdyń ishki jáne halyqaralyq reıster termınalyndaǵy jumys 10:48-de jandanyp, jolaýshylar tirkeýden óte bastady, dep habarlaıdy Azamattyq avıatsııa komıtetiniń baspasóz qyzmeti.&nbsp;</p>

Osyǵan deıin tótenshe jaǵdaı saldarynan Astana áýejaıynan ushatyn 18 reıs (14 reıs Qazaqstan ishinde, 4 halyqaralyq reıs) keshiktirilgen edi.

DV702 Astana-Shymkent reısi 12:23-te, IQ389 Astana-Jezqazǵan reısi 12:26-da, IQ437 Astana-Petropavl reısi 13:38-de, KC952 Astana-Almaty reısi 12:46-da, KS7052 Astana-Almaty reısi 13:36-da jáne KC205 Astana-Dýbaı reısi 13:04-te ushty. 

Tótenshe jaǵdaı kezinde elorda áýejaıynda QR Kólik mınıstrligi Azamattyq avıatsııa komıtetiniń basshylyǵy, QR Avıatsııalyq ákimshiligi qyzmetkerleri jáne Terminals Airport Astana Management LLP, áýejaı qyzmetkerleriniń qatysýymen operatıvti shtab qurylyp, jedel áreket etti.

Evakýatsııalanǵan jolaýshylarǵa salqyn jáne ystyq sýsyn, jeńil taǵam usynyldy.

Áýejaıdaǵy qaýipsizdik sharalaryn qalypqa keltirý jáne kúsheıtý sharalary ári qaraı jalǵastyrylady.