Astana áýejaıy arab ınvestorynan qala balansyna qaıtaryldy
18:13, 16 Qańtar 2025
<p>ASTANA. KAZINFORM – Terminals Astana Airport Management LLP arab kompanııasymen jasalǵan senimgerlik basqarý shartynyń merziminiń aıaqtalýyna baılanysty «Nursultan Nazarbaev halyqaralyq áýejaıy» AQ aktsııalarynyń 100 paıyzy Astana qalasynyń kommýnaldyq menshigine ótti. Bul týraly Astana qalasynyń ákimdigi málim etti.</p>
− 2023 jyldyń 7 qarashasynda bastalǵan senimgerlik basqarý shartynyń merzimi 2025 jyldyń 7 qańtarynda aıaqtaldy. Elordalyq áýejaı aktsııalarynyń ıesiniń ózgerýin eskerilip, qazir elorda ákimdigi men «Terminals Astana Airport Management» JShS arasynda senimgerlik basqarýdyń jańa shartyn jasasýǵa daıyndyq júrip jatyr, − dep jazylǵan málimdemede.
2023 jyly qarashada Astana halyqaralyq áýejaıy ınvestor Terminals Holding kompanııasymen birlesken jumysty bastaǵan edi.
Sheteldik ınvestor aldyna ushý-qoný jolaǵyn tolyq jóndeý, aerovokzal keshenin jóndeý, alańqaıda úlken akvahab qurý mindetteri qoıylǵan edi.