Astana áýejaıy 14 maýsymnan bastap túngi reısterdi qalpyna keltiredi

<p>ASTANA. KAZINFORM &ndash; Jazdyń aılarynda elorda áýejaıy jolaýshylarǵa yńǵaıly bolý úshin paıdalaný erejelerin uzartyp, jyl sońyna deıin engizilgen tehnıkalyq úzilisterdi qysqartady. Bul týraly QGA baspasóz qyzmeti habarlady.</p>

«Áýe tasymaldaýshylarynyń suranysy negizinde áýejaıdy basqarýshy kompanııanyń tehnıkalyq mamandarynyń jobalyq toby aerodromdaǵy jóndeý protsesin ońtaılandyrdy. Jazda áýe tasymalyna maýsymdyq suranystyń joǵary bolýyna baılanysty jolaýshylarǵa yńǵaıly bolý úshin áýejaıdyń jumys tártibi 14 maýsymnan bastap kúndelikti tehnologııalyq úzilispen (23:00-den 00:30-ǵa deıin) uzartyldy», - delingen habarlamada. 

Jumystardy júrgizý kezinde áýejaı ushý-qoný jolaǵynyń jumysqa qabilettiligin qamtamasyz etedi, keıinnen ushý-qoný jolaǵyna kóshýmen aerodrom jabynynyń basqa ýchaskelerinde jóndeý jumystary jalǵasady.

Kompanııa ishki reıster kestesin tez arada qaıta qarap, tanymal baǵyttarǵa qosymsha reısterdi qamtamasyz etýge ýáde berdi.