Astana, Atyraý, Jezqazǵanda ekstremıstik top músheleri ustaldy

<p>Búgin Ulttyq qaýipsizdik komıteti Bas prokýratýranyń úılestirýimen sotqa deıingi tergep-tekserý sheńberinde Astana, Atyraý jáne Jezqazǵan qalalarynda radıkaldy dinı toptardyń uıashyqtary beıtaraptandyryldy. Bul týraly <a href="https://kaz.inform.kz/news/braziliyada-adam-tozgsz-istik-termometr-bagani-525c-ka-koterld-c2cb2a/Kazinform" target="_blank" rel="noopener">Kazinform</a> agenttigi <a href="https://www.gov.kz/memleket/entities/knb" target="_blank" data-tip="true" rel="noopener">Qazaqstan Respýblıkasy Ulttyq qaýipsizdik komıteti</a>-ne sileteme jasap habarlaıdy.&nbsp;</p>

Terrorızmdi nasıhattaý, sondaı-aq ekstremıstik topty qurý, oǵan basshylyq etý jáne onyń áreketine qatysý boıynsha kúdikpen onyń 12 múshesi bir mezgilde ustaldy.

Tergeý boljamy boıynsha, olar Qazaqstandaǵy zaıyrly qurylymdy qulatýdy kózdegen. Ol úshin ekstremıstik ıdeologııany taratqan jáne qatarlaryna jańa jaqtastardy tartqan. 

Foto: gov.kz

Fıgýranttardyń turǵylyqty mekenjaılary boıynsha tintý barysynda tyıym salynǵan ádebıetter men basqa da dáleldi zattar aıqyndaldy. 

Toptyń birqatar músheci polıtsııa qyzmetkerin óltirý, bandıtızm, qaraqshylyq, tonaý jáne zorlaý sekildi aýyr qylmystar jasaǵandary úshin buryn sotty bolǵandar. 

Qylmystyq-protsestik kodekstiń 201-baby 1-bóligine sáıkes ózge aqparat jarııa etýge jatpaıdy.