«Astana» arnasyndaǵy ár baǵdarlama Abaı shyǵarmashylyǵymen ushtastyrylmaq

NUR-SULTAN. QazAqparat – «Astana» telearnasy jańa maýsymyn bastady. Endi ár baǵdarlamanyń rolıkteri Abaıdyń shyǵarmashylyǵymen ushtastyrylatyn bolady, dep habarlaıdy QazAqparat.

«Abaı álemi - aqyldyń keni!» «Astana» arnasy osyndaı uranmen uly aqynnyń 175 jyldyq mereıtoıyn atap ótýdi bastap ketti. Osylaısha, arna ujymy Abaı shyǵarmalaryn jas urpaq boıyna sińirýge, qadir-qasıetin túsindirýge atsalyspaq. Sebebi, ózi ólse de, artynda ólmeıtuǵyn iz qaldyrǵan aqyn shyǵarmashylyǵy halyq júreginen esh óshpek emes», - delingen taratylǵan habarlamada.

Atap ótilgendeı, 11 qarashadan bastap telearna jańa formatty iske qosty. ıAǵnı, stılıstıkasy ózgerdi. Logotıpi meılinshe qarapaıym ári tartymdy úlgige aýystyrylyp, ár baǵdarlamanyń rolıkteri hákim Abaıdyń shyǵarmashylyǵyna baılanystyrylyp, kórermen nazaryna usynylatyn bolady.