«Astana - án qanatynda» baıqaýy bastaldy

ASTANA. QazAqparat - Án baıqaýy «Bolashaqqa baǵdar: rýhanı jańǵyrý» baǵdarlamasy aıasynda ótkizilýde, dep habarlaıdy elorda ákimdiginiń resmı saıty.

Sharany №1 óner mektebi Astana qalasy bilim basqarmasynyń qoldaýymen uıymdastyryp otyr. Oǵan 54 jalpy bilim beretin mekteptiń 9-14 jas aralyǵyndaǵy oqýshylary qatysýda.

«Baıqaý estetıkalyq talǵamdy damytýǵa múmkindik beredi. Bolashaqta bizdiń balalar ózderiniń jetistikterin qalalyq jáne respýblıkalyq jarystarda ǵana emes, halyqaralyq án festıvalderinde de kórsete alady», - dep atap ótti №1 óner mektebiniń dırektory Farhad Sabıev. Baıqaý eki kezeńnen turady. Qazylar alqasy nómirlerdi birneshe negizgi krıterıı boıynsha, sonyń ishinde vokaldyq oryndaý sheberligi, kórkemdik qoıylymy, sahnalyq kostıýmy boıynsha baǵalaıdy.