Astana aldaǵy Dúnıejúzilik kóshpendiler oıyndaryna qalaı bezendiriledi

<p>ASTANA. KAZINFORM &ndash; Elordada 8-13 qyrkúıek aralyǵynda V Dúnıejúzilik kóshpendiler oıyndary ótedi. Jarysqa álemniń 89 elinen 2 myńnan astam adam qatysady dep kútilýde. Astananyń barlyq aýdanynda aldaǵy Dúnıejúzilik kóshpendiler oıyndaryna qyzý daıyndyq júrip jatyr. Bul týraly elorda ákimdiginiń resmı saıty jazdy.</p>

Daıyndyq aıasynda Astana aýqymdy is-sharanyń ereksheligin beıneleıtin shaǵyn sáýlet nysandarymen bezendirilgen. Qalanyń túrli aýmaǵynda músinder, sándik qurylymdar men qondyrǵylardy qamtıtyn shaǵyn arhıtektýralyq formalar ornatylǵan. Bul elementter kóshpeli halyqtardyń mádenı murasyn, olardyń dástúrleri men ádet-ǵuryptaryn kórsetedi. Kıiz úıler, jylqylar, sondaı-aq tarıhı jáne mıfologııalyq beıneler sııaqty kóshpeli mádenıetke tán sımvolızmge erekshe nazar aýdarylady.

Foto: Astana ákimdigi

Túrli ınstallıatsııalar Nura aýdanyndaǵy ortalyq saıabaqta, Ǵashyqtar saıabaǵynda, «Azııa parki» SOO janynda, «Qazanat» ıppodromynyń aýmaǵynda ornatylady, onda birqatar jarys ótkiziledi. 

Saryarqa aýdanynda temirjol vokzalynda, «Teatr» alańynda jáne «Radisson» qonaq úıiniń janynda arnaıy taqyryptaǵy shaǵyn sáýlet nysandary ornatylǵan.
Almaty aýdanynda «Nurly jol» vokzalynyń aýmaǵynda ınstallıatsııa ornatyldy.

Foto: Astana ákimdigi

Esil aýdanynda shaǵyn sáýlet nysandary «Astana-Báıterek» monýmentiniń janynda, Trıýmf arkasynyń janynda, Botanıkalyq baqta, jelekjolda jáne halyqaralyq áýejaıda ornalasqan. 

Baıqońyr aýdanynda bes shaǵyn sáýlet nysany ornatyldy, taǵy ekeýi taıaýda ornatylady. 

Foto: Astana ákimdigi

Aıta keteıik, sport jarystary men mádenı is-sharalarǵa 100 myńnan astam týrıst keledi dep kútilip otyr.