Astana ákimdigi jumyssyz jastardy kósheden izdeı bastady

<p>Elordada jastardy jumyspen qamtý maqsatynda birneshe joba iske asyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

«Búginde jastarǵa qyzmet kórsetý ortalyqtary jáne «Barshaǵa múmkindik» modýldik pýnktteri jumys istep tur. Ol pýnktter adam kóp shoǵyrlanǵan jerlerde ornalasqan. Mysaly, Vstrecha, Eýrazııa aýdandary. Bul pýnkterde elorda turǵyndary jumys jáne tsıfrlyq daǵdylardy ıgerý boıynsha tegin keńes, sondaı-aq memlekettik qoldaý sharalary men jumysqa ornalasý múmkindikteri týraly aqparat ala alady. Sol jerde «Freelance múmkindik» jobasyna jazylýǵa bolady, - dedi Astana qalasy jastar saıasaty máseleleri basqarmasynyń basshysy Qaırat Qambarov qalalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, atalǵan joba arqyly jastardy suranysqa ıe tsıfrlyq daǵdylarǵa úıretedi.

«Ol targetolog, SMM, vıdeograf, marketpleıs, mobılograf, grafıkalyq dızaıner jáne veb-dızaıner», - deıdi ol.

Basqarma basshysynyń málimdeýinshe, jastar arasynda memlekettik baǵdarlamalardy, sonyń ishinde jumyspen qamtý jobalary aqparattandyrý maqsatynda aqparattyq býkletter taratylýda.

«Óz salasynda 6 jyldan astam kásibı tájirıbesi bar, sonymen qatar Kaspi.kz, BI Group, Atameken, KazDream jáne taǵy basqa jetekshi kompanııalarmen jumys istegen, tájirıbeleri bar kýrs oqytýshylarymen kelisim-shart jasaldy», - deıdi ol.