Astana ákimdigi jol júrý aqysy qymbattaýynyń sebebin túsindirdi

<p>ASTANA. KAZINFORM &ndash; Elordada bıyl 1 tamyzdan bastap qoǵamdyq kólikte jol júrý aqysy 110 teńgege qymbattaıdy. On jyl boıy toqsan teńge tólep kelgen turǵyndar tarıftiń kóterilýin quptap otyrǵan joq. Ákimdik bolsa, ózgeristiń ózindik sebebi bar ekenin alǵa tartyp otyr.&nbsp;</p>

Astana qalasy kólik jáne jol-kólik ınfraqurylymyn damytý basqarmasynyń bas mamany Álıhan Kerimjannyń aıtýynsha, tarıf 10 jyl boıy ózgermegen. Al bul ýaqytta tasymaldaýshylardyń shyǵyny arta túsken. 

«Keıingi 10 jyl ishinde tasymaldaýshylar kóptegen shyǵynǵa tap kelgenin alǵa tartyp otyr. Mysaly, dızel otynynyń quny 2014 jyly 107 teńgeni qurasa, búginde 295 teńgege teń. Avtobýs júrgizýshilerdiń jalaqysyna toqtalsaq, 2014 jyly 100-150 myń teńge bolsa, qazirgi tańda 500-600 myń teńgeni quraıdy», - dedi ol. 

Aıta keteıik, Astanada jolaýshylardy tasymaldaýǵa 8 avtobýs parki jumyldyrylǵan. Olardyń barlyǵy memleket tarapynan sýbsıdııa alyp otyr. Tarıftiń qymbattaýy tasymaldaýshylarǵa úlestiriletin sýbsıdııany shamamen 15 paıyzǵa azaıtady dep kútilip otyr. 

Qala berdi, tasymaldaýshylar tehnıka parkin jańartýǵa mindettelmek. Bıyldyń ózinde sý jańa 200 avtobýs qatarǵa qosylady dep josparlanýda. 

Esterińizge salsaq, elorda ákimi Jeńis Qasymbek turǵyndarmen kezdesýde jazda Astanadaǵy jol júrý aqysy 20 teńgege qymbattaıtynyn aıtqan bolatyn.