Astana ákimdigi qubyrǵa 5,3 mlrd teńgeni artyq jumsamaq bolǵan

<p>Qarjy monıtorıngi agenttigi iri obektilerdiń qurylysyna monıtorıng júrgizip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Máselen, "Memsaraptama" RMK kómegimen Astananyń energııa torabyndaǵy apatqa qarsy avtomatıkany modernızatsııalaý jobasynyń quny 1,9 mlrd teńgege arzandatyldy.

Munda jobany ázirleýshiler elektr shkaftarynyń baǵasyn negizsiz qymbattatqan.

Taǵy bir jaǵdaıda Astanada qubyr baǵasyn ósirýge baılanysty magıstraldyq aınalma káriz kollektoryn salý quny 5,3 mlrd teńgege arzandatyldy.

Petropavldaǵy Solnechnyı kentiniń ınjenerlik-kommýnıkatsııalyq ınfraqurylymyn salý kezinde elektr qosalqy stansalarynyń qunyn 4 ese arttyrý faktisi anyqtaldy.

Nátıjesinde 2,3 mlrd teńge bıýdjet qarajaty únemdeldi.

Sondaı-aq, qazirgi ýaqytta oblys ákimdikterimen taǵy 24 nysan boıynsha memleket shyǵynyn 13 mlrd teńgege tómendetý boıynsha jumys júrip jatyr. 

Máselen, Qaraǵandyda óndiristik aǵyn men jerústi sarqyndy sýyn tazartatyn qurylys jobasy boıynsha jabdyqtyń tek úsh túriniń ǵana quny 541 mln teńgege asyryldy.

Jalpy alǵanda, 8 joba boıynsha eki aıdyń ishinde bıýdjet shyǵyny 10 mlrd teńgege tómendedi.