Astana ákimdigi qoǵamdyq kólik qyzmetin sýbsıdııalaýǵa 48,4 mlrd teńge surap otyr

<p>ASTANA. KAZINFORM &ndash; &nbsp;Astana qalasy kólik jáne jol-kólik ınfraqurylymyn damytý basqarmasynyń basshysy Ashat Qaraǵoıshın qalalyq máslıhat otyrysynda qoǵamdyq kólik qyzmetin sýbsıdııalaý úshin 48,4 mlrd teńge qajet ekenin aıtty.&nbsp;</p>

«2024 jyly 200 jańa avtobýs satyp alý, 10 jańa marshrýtty iske qosý josparlanyp otyr. Onyń ishinde beseýi qalalyq marshrýt, beseýi ekspress-marshrýt bolady. Birin kezekte turǵyndardyń ótinishi boıynsha Agroqalashyqtan EKSPO aýmaǵyna tikeleı qatynaıtyn marshrýt ashylady. Odan keıin Agroqalashyqtan «Nurly jol» vokzalyna qatynaıtyn marshrýtty iske qosý josparlanǵan. Jańaǵy aıtylǵan 200 jańa avtobýs «Ónerkásipti damytý qory» AQ arqyly satyp alynady», - dedi basqarma basshysy.

Onyń sózinshe, bıyl qoǵamdyq kólik qyzmetin sýbsıdııalaýǵa 48 mlrd teńgeden astam qarajat qajet.

«Jańa avtobýs tasymaldaýshylardyń moınynda lızıng tólemderi, avtobýstardy mindetti saqtandyrý sııaqty mindettemeler paıda bolyp otyr. Sondaı-aq jańa satyp alynǵan avtobýstarǵa jańa júrgizýshiler alyndy. 2024 jylǵa qajet sýbsıdııalardyń jalpy somasy – 48,4 mlrd teńge. Onyń 15 mlrd teńgesi bólindi. Qosymsha 33,4 mlrd teńge qajet. 2024 jyly qoǵamdyq kólikterdi sýbsıdııalaýǵa aı saıyn orta eseppen 3,7 mlrd teńge kerek», - dedi Ashat Qaraǵoıshın.