Astana ákimi Jeńis Qasymbek jas shahmatshylarmen kezdesti

<p>ASTANA. KAZINFORM - Elorda ákimi Jeńis Qasymbek <a href="https://www.instagram.com/p/DBgNLCyOQ0W/?igsh=MWFwcDlwNDE3OXNnNA==" target="_blank" rel="noopener">Instagram</a> paraqshasynda Astana quramasynyń shahmatshylarymen kezdeskenin málimdedi, dep habarlaıdy qalalyq ákimdiktiń resmı saıty.</p>

Astana quramasynyń shahmatshylarymen kezdesý barysynda qala ákimi jas sportshylardyń elimizdiń namysyn álemdik arenalarda abyroımen qorǵap, aqyl-oıdyń kúshin, sol sııaqty tabandylyqtary men talanttaryn kórsete bilgenin erekshe atap ótti.

Foto: Astana ákimdigi

Foto: Astana ákimdigi

Sondaı-aq olardyń halyqaralyq shahmat olımpıadasynda, álem chempıonatynda, Batys Azııa chempıonatynda, Azııa chempıonatynda jáne t.b. jarystarda keremet nátıje kórsetkenin aıtty. 

«Qyzdar arasyndaǵy jastar quramasyn 2024 jyly Majarstanda ótken Dúnıejúzilik shahmat olımpıadasyndaǵy kúmis medalimen shyn júrekten quttyqtaımyn! Komandamyz myqty qarsylastardyń biri sanalǵan Ázerbaıjan men Polsha quramalaryn jeńdi, sol sııaqty Grýzııa jáne AQSh komandalarymen teń túsip, 169 elden kelgen qatysýshylardy basyp ozdy. Elordamyzdyń shahmatshylary Merýert Qamalıdenova men Ámına Qaıyrbekovanyń qosqan úlesin erekshe atap ótkim keledi. Olar el namysyn álem aldynda qorǵaı otyryp, sheberligin, myqtylyǵyn jáne komandalyq rýhtyń joǵary deńgeıin kórsetti. Biz sizderdi maqtan tutamyz. Óz tarapymyzdan shahmatty qoldaýdy jalǵastyramyz jáne balalarymyzdyń ósýine, úlken jetistikterge jetýine kóbirek múmkindik berý úshin barlyq jaǵdaıdy jasaımyz» - dep jazdy elorda ákimi.

Foto: Astana ákimdigi

Eske sala keteıik, buǵan deıin Qazaqstandyq shahmatshylardyń álemniń úzdik oıynshylarynyń 5 reıtıngi boıynsha TOP-10 qataryna kirgenin, Bıbisara Asaýbaevanyń eki birdeı reıtıngte kósh bastaǵanyn habarlaǵan edik.