Astana ákimi úleskerlerdiń máselesin sheshý joldaryn atady

<p>ASTANA. KAZINFORM &ndash; Elordada qurylysy uzaqqa sozylǵan turǵyn úılerdiń problemasy qalaı sheshilip jatyr? Bul saýalǵa qala ákimi Jeńis Qasymbek jaýap berdi.</p>

«Birinshiden, turǵyn úı qurylysy jónindegi vedomstvoaralyq komıssııa, úleskerler men quqyq qorǵaý organdarynyń qatysýymen júıeli kezdesýler ótkizýdemiz. Bul týyndaǵan máselelerdi jedel sheshýge múmkindik beredi jáne salymshylardyń arasynda áleýmettik shıeleniske jol bermeıdi. Ekinshiden, qurylys kompanııalaryna tehnıkalyq jáne qarjylyq aýdıt júrgizýge, jobalyq qujattamany sáıkestendirýge, ınjenerlik jelilerdi salý men qosýda tolyq kómek kórsetýdemiz», - dedi Jeńis Qasymbek Úkimet otyrysynda.

Sondaı-aq, elorda ákimi problemaly turǵyn úılerdiń qurylysyn aıaqtaý úshin iri ınvestorlardy tartyp jatqanyn aıtyp otyr.

«Salynyp jatqan turǵyn úılerdiń qurylys jumystary kúndelikti baqylaýda», - dep tolyqtyrdy J. Qasymbek.

Buǵan deıin Astana ákimi problemaly nysan salymshylarynyń 90% baspanaly bolǵanyn, qalǵan salymshylar maýsymnyń sońyna deıin páter kiltin alatynynyn aıtqan edi.

Eske salaıyq, búginde 40 872 astanalyq turǵyn úı kezegin kútip júr.