Jeńis Qasymbek azamattardy qabyldady

<p>Bul týraly Astana qalasynyń ákimi Jeńis Qasymbek <a href="https://www.instagram.com/p/C1tZBg_oJ9v/?igsh=OXZ4anU5ZTBmdXR4" target="_blank" rel="noopener">Instagram</a>-daǵy paraqshasynda jazdy, dep habarlaıdy Kazinform Astana ákimdiginiń resmı saıtyna silteme jasap.&nbsp;</p>

Ákim qabyldaýǵa kelgen turǵyndardyń kóbine qandaı máseleni sóz etetinin atap ótti. Sondaı-aq mektep, balabaqsha salý týraly da tilge tıek etti. 

«Azamattardy qabyldadym. Qabyldaýlar kezinde turǵyndar negizinen baspana, medıtsınalyq kómek, áleýmettik kómek, abattandyrý, áleýmettik nysandar salý jáne t.b. máseleler boıynsha júginedi. Osynyń negizinde qalanyń damýyna qatysty tolyqtyrýlar engizemiz. Máselen, 2024-2025 jyldar aralyǵynda «Jaıly mektep» ulttyq jobasy aıasynda 90 myńǵa jýyq oqýshy ornyna (2 aýysymdy) arnalǵan 24 mektep salynady. Sonymen qatar ózge de memlekettik mektepter salamyz, sol sııaqty jeke ınvestıtsııalar jumyldyramyz. 

Bıyl memlekettik balabaqshalar salý jumysyna da kirisemiz. Bes Oqýshylar saraıynyń qurylysyn bastaımyz. 2029 jylǵa deıin 15 Oqýshylar saraıyn salýdy josparlap otyrmyz. Azamattardy qabyldaýlar barysynda kóterilgen máselelerdi nazarda ustaımyz. Problemalardy sheshýdi qysqa merzimdi, orta merzimdi, uzaq merzimdi dep bólemiz», - dedi Jeńis Qasymbek.