Astana ákimi: Taldykóldegi jobalardy ekologtermen aqyldasyp iske asyramyz

ACTANA. QazAqparat – Astana ákimi Jeńis Qasymbek BAQ ókilderine Taldykóldiń máselesi qalaı sheshiletinin aıtty, dep habarlaıdy QazAqparat tilshisi.

Kásipkerlemen kezdesýden keıin BAQ ókilderine suhbat bergen Jeńis Qasymbekke Taldykóldiń keleshek taǵdyry týraly suraqtar qoıyldy.

Ákimniń aıtýynsha, bul másele boıynsha ákimdiktiń aıqyn jospary bar. Biraq ol jospar ekologterdiń maquldaýymen ǵana iske aspaq.

«Taldykól máselesi boıynsha eki apta buryn ǵana ekologııa belsendilerimen kezdestim. Qazir bar kólshikterdi saqtap qalamyz. Al qurǵap ketken kólshikterdiń ornynda qandaı da bir rekreatsııalyq aımaqtar salamyz. Bul máselede aıqyn josparymyz bar. Ony ekologtermen aqyldasyp, solardyń maquldaýymen oryndaımyz», - dedi ákim.