Astana ákimi: Osy jazda Oqýshylar saraıyn ashamyz

ASTANA. QazAqparat – Elordada úsh jyl ishinde 15 oqýshylar saraıyn salýdy josparlanyp otyr. Onyń beseýiniń qurylysy osy kúzde bastalmaq, dep habarlaıdy QazAqparat Astana qalasynyń ákimi Jeńis Qasymbektiń áleýmettik jelidegi paraqshasyna silteme jasap.

«Búgin birqatar mektep pen Oqýshylar saraıynyń qurylys barysymen tanystym. Máselen qazirgi ýaqytta 14 mekteptiń qurylysy júrip jatyr, onyń 11-in jańa oqý jyly ishinde ashamyz. Bul mektepter jańa aýdandarda da, oń jaǵalaýda da, eldi mekenderde de ornalasqan. Sonymen qatar, olardyń bir bóligi apatty kúıdegi mektepterdi almastyrady.

Memleket basshysynyń tapsyrmasy boıynsha Astanada aldaǵy eki jylda «Jaıly mektep» ulttyq jobasy aıasynda 24 mektep salynady. Olar 90 myńǵa jýyq oqýshy ornyn (2 aýysymdy) ashýǵa múmkindik beredi», - deıdi qala ákimi.

Sondaı-aq, jýyrda Oqýshylar saraıynyń jańa ǵımaraty ashylatynyn jetkizdi.

«Osy jazda Oqýshylar saraıyn ashamyz. Turan dańǵylynda ornalasqan 5 qabatty ǵımarat jeke ınvestıtsııalar esebinen salynyp jatyr. Aýdany – 7 500 sharshy metr, sport jáne shyǵarmashylyq zaldardan bólek 25 metrlik basseıni de bolady. Sonymen qatar, balalardy kóbirek qamtý úshin úsh jyl ishinde 15 Oqýshylar saraıyn salýdy josparlap otyrmyz. Olardyń beseýiniń qurylysyn osy kúzde bastaımyz», - deıdi Jeńis Qasymbek.