Astana ákimi elordanyń jylytý maýsymyna daıyndyǵyn tekserdi
Qalanyń tirshiligine jaýapty negizgi kommýnaldyq kásiporyndardyń jumysy týraly ákimniń orynbasary Qosman Aıtmuhametov baıandady. Aralaý barysynda B. Sultanov «AREK» AQ, «Astana sý arnasy» jáne JEO-2-ge bardy.
Q. Aıtmuhametovtiń aıtýynsha, qazirgi tańda qalany jylý maýsymyna daıyndaý jumystary aıaqtalýǵa jaqyn. Turǵyn úıler men áleýmettik nysandardyń jylýǵa daıyndyǵy 97 % quraıdy. 12 km sý qubyry jáne 5 km káriz jelisi qaıta jóndeýden ótti.
Baqyt Sultanov osy jumystardy erekshe baqylaýǵa alýdy tapsyrdy. «Bizdiń jumysymyzdy turǵyndar qyzmet kórsetý sapasy arqyly baǵalaıdy. Biz barynsha qolaıly jaǵdaı jasaýymyz kerek, ásirese jylý maýsymy kezinde. Sý, jylý, jaryq úzilissiz berilý kerek», - dedi B. Sultanov.
Sondaı-aq ákim qalalyq «iKomek» jedel áreket etý ortalyǵynyń jumysymen tanysty. Búginde «iKomek» ortalyǵy der kezinde kemshilikterdi joıýdy úılestirip otyratyn qural retinde áreket etedi jáne qalanyń tynys-tirshiligine monıtorıng, taldaý jasaıdy. Turǵyndardyń 77% aryz-shaǵymy birinshi qońyraýdan-aq sheshimin taýyp, atalmysh kórsetkishti 85% deıin jetkizý josparlanýda. Bul týraly B. Sultanovqa ortalyqtyń basshysy Janat Dýbırova aıtyp berdi.
Kezekti aralaýdyń sońynda B. Sultanov № 27 kóshedegi jol qurylysy men jóndeý jumystary boıynsha kóshpeli keńes ótkizdi. Búginde Astana qalasynyń jol-kóshe jelisi 1 039 kósheden quralady, onyń jalpy uzyndyǵy 1 102,32 km, onyń 837,82 km (nemese 76%) asfaltbeton tóselgen, qatty jabyndysyz tósem - 264,5 km (24 %). Injenerlik keshen 8 kólik jol aıyryǵynan, 17 avtojol kópirinen, 5 jaıaý júrginshiler kópirinen, 9 ótpejoldan turady.
Q. Aıtmuhametovtiń aıtýynsha, uzyndyǵy 71,8 shaqyrym 98 kósheni salyp, jóndeý josparlanǵan, onyń ishinde 22 magıstraldi qala kósheleri, uzaqtyǵy 20,8 km jáne 65 kóshe, uzyndyǵy 35,3 km turǵyn alaptarynda salyndy. Ortasha jóndeý jumystary barysynda 15,7 km joldyń 11 kóshesine tósem jasalyndy. B. Sultanov qurylystyń qarqynyn jyldamdatyp, alǵashqy sýyq túskenshe joldardy merziminde berýdi tapsyrdy.