Astana ákimi birqatar nysandardyń qysqa daıyndyǵyn tekserdi

ASTANA. QazAqparat - Astana ákimi Ádilbek Jaqsybekov birqatar nysandardyń qysqa daıyndyǵyn tekserdi, dep habarlady astana.gov.kz.

«Qystyń kózi qyraýda, el astanasynyń qystan qysylmaı shyǵýy - mańyzdy másele. Sondyqtan sýyq maýsymda jylý jelileriniń júıeli jumys istep, jylý qazandyqtarynyń isten shyqpaýyn qatań baqylaǵan jón». Qalanyń jylý jáne elektr energııasymen qamtamasyz etetin nysandaryn aralap kórgen qala ákimi Ádilbek Jaqsybekov osylaı dedi. Qala basshysy óz kezeginde JEO-1 men JEO-2-nyń jumys barysyn tekserip, JEO-3 qurylys jumystarymen tanysyp, birqatar tapsyrmalar berdi. Eske salsaq, Astanada 3 qazannan beri jylý maýsymy bastalǵan bolatyn. Qazir birinshi jáne ekinshi JEO elordany jylýmen qamtýǵa 100% daıyn. Tipti, tótenshe jaǵdaı bolǵan kezde de jumys toqtamaıdy. Óıtkeni jumysty úzdiksiz júrgizýge qajetti qosalqy bólshekter men quraldar bar.