Astana ákimi atynan ótken jańa jyldyq shyrshada balalar alǵash ret teatrlandyrylǵan qoıylym tamashalady

ASTANA. 21 jeltoqsan. QazAqparat - Búgin Oqýshylar saraıynda Astana ákimi Imanǵalı Tasmaǵambetovtyń atynan shyrsha ótti. Bıyl alǵash ret zal ertegi qalashyǵy retinde bezendirilip, ár bala ǵajaıyp pen sıqyrlyq álemine saıahat jasady.

«Búgin jetim, kóp balaly jáne turmysy tómen otbasylardan shyqqan balalarǵa arnalǵan shyrsha ótip jatyr, is-shara ertegi álemi túrinde uıymdastyrylǵan. Ertegi keıipkerleri de kóp, balalarǵa unady dep oılaımyn, al ekinshi bólimde «Jastar» teatrynda alǵash ret ertegi qoıylymy kórsetiledi», - dedi astana.kz saıtyna Bilim basqarmasy basshysynyń orynbasary Qasymhan Senǵazyev.

Mereke 5 blokpen uıymdastyrylady. Onyń árqaısysyna ertegi keıipkerleri qatysyp, balalarǵa arnalǵan erekshe qoıylymdar kórsetildi. Budan basqa, jańa jyldyq sharaǵa vokaldyq, bı ujymdary qatysty.

Sondaı-aq, úzdik jańa jyldyq kostıým baıqaýy ótkizildi. Balalar teatrlandyrylǵan ertegi tamashalady.

«Shytyrman ertegi óte unady. Jaqsylyq árqashan da jamandyqty jeńedi. Ásirese, Aıaz ata men Aqshaqardyń kúımemen kelgeni tań qaldyrdy. Osyndaı merekeler jyl saıyn uıymdastyrylsa eken», - deıdi jańa jyldyq merekege qatysqan Ásel Saparálıeva.