Astana ákimdiginde etnomádenı birlestikterdiń jumystary talqylandy

ASTANA. QazAqparat - QR Parlamenti Májilisi tóraǵasynyń orynbasary Vladımır Bojko elordalyq etnomádenı birlestikterdiń ókilderimen kezdesti. Kezdesý barysynda respýblıkamyzdyń joǵary ókildik organynyń toǵyz depýtatynyń qyzmeti sóz boldy. Sondaı-aq, otyrys barysynda Astanada Dostyq úıin qurý ıdeıasy da talqylandy, dep habarlady elorda ákimdiginiń resmı saıty.

«Ózderińiz biletindeı, Qazaqstan halqy Assambleıasynan Májiliske toǵyz adam saılandy. Biz depýtattyq korpýstyń nıetin qarap, QHA-nyń Parlamenttegi tobyn qurdyq, oǵan 107 depýtattyń 31-i endi, onyń ishinde barlyq partııalardyń ókilderi bar. Top «Máńgilik el» patrıottyq aktisin qabyldaýǵa oraı quryldy - bul ulttyq ıdeıa, atalǵan top basty alty baǵyt boıynsha jumys isteıdi. Jumys jospary aıtarlyqtaı, ony QHA saıtynda jarııalaıtyn bolamyz», - dedi V. Bojko.

Onyń aıtýynsha, depýtattyq qyzmet aıasynda QHA atynan saılanǵandar birneshe quralǵa ıe - reglament boıynsha menıstrlikter men vedomstvolardan qandaı da bolmasyn máselelerdi sheshýdi talap etý, úkimettik saǵat uıymdastyryp, saılaýshylar múddeli bolyp tabylatyn problemalardy tyńdaý, kóshpeli otyrystar ótkizý.

Sonymen qatar, barlyq etnomádenı ortalyqtardyń jumysymen baılanysty aqparatpen, jetistiktermen, usynystarmen almasý boıynsha uıymdastyrý jumystary qolǵa alyndy. Bul oblystyq fılıaldarda QHA aıasynda mazmundy jumys isteý úshin jaqsy ádistermen jáne tájirıbemen bólisý úshin qajet.

Bul rette V. Bojko qyzmet salasyna jastar ortalyqtaryn tartýǵa basa nazar aýdaryp, birlesken merekeler men sharalardy jıi ótkizýge, etnomádenı ortalyqtarda úshtildilik boıynsha belsendi jumystar júrgizýge, buryn qabyldanǵan zańdardy paıdalanýǵa shaqyrdy.