Astana ákimdiginde er adamǵa zombylyq jasaǵan áıelderge úkim shyqty
Nur-Sultan qalalyq sotynyń resmı saıtynda jarııalanǵan aqparatqa sáıkes, 2022 jylǵy 27 shildede saǵat 10:00 shamasynda Sh., O. jáne M. ákimdik ǵımaratynda qoǵamdyq tártipti dórekilikpen buzyp, ákimdikke keńeske kelgen jábirlenýshi - beıtanys M.esimdi azamatqa zombylyq jasaǵan.
Saraptamaǵa sáıkes, olar M.-nyń basyn jaraqattap, eki qolyn kógertken. Tergeý dene jaraqattaryn densaýlyqqa jeńil zııan keltirý retinde baǵalaǵan. Sonymen qatar aıyptalýshy áıelder joldy bógep, azamattar men memlekettik organ qyzmetkerleriniń ǵımaratqa kirýine kedergi keltirgen.
Kúdiktilerdiń is-áreketi beınebaqylaý kameralaryndaǵy jazbalarmen, sot-medıtsına saraptamasynyń qorytyndysymen, jábirlenýshiler men kýálerdiń aıǵaqtarymen rastalǵan.
«Іs boıynsha sottalǵan adamdardyń jaýaptylyǵy men jazasyn aýyrlatatyn mán-jaılar anyqtalǵan joq. Sottalǵan adamdardyń jas balalarynyń bolýyn sot jaýaptylyqty jáne jazany jeńildetetin mán-jaılar dep tanydy.
Sh., O. jáne M. buryn sottalmaǵan. Buzaqylyq ortasha aýyrlyqtaǵy qylmys qataryna jatady», - delingen sot habarlamasynda.
Joǵaryda kórsetilgen mán-jaılardy eskere otyryp, atalǵan úsh áıelge Qylmystyq kodekstiń 293-baby 2-bóliginiń 1-tarmaǵy boıynsha 2 jyl 6 aıǵa bas bostandyǵyn shekteý jazasy taǵaıyndaldy. P robatsııalyq baqylaý belgilendi. Sondaı-aq olar qoǵamdyq-saıası qyzmetpen, onyń ishinde BAQ pen telekommýnıkatsııa jelilerin paıdalana otyryp 3 jyl merzimge qoǵamdyq-saıası qyzmetpen aınalysý quqyǵynan aıyryldy.
Sot úkimi zańdy kúshine engen joq.