Astana ákimdigi kómir alypsatarlarymen qalaı kúrespek
«Tabıǵı monopolııalardy retteý jáne básekelestikti qorǵaý departamenti Shubarkól kómiriniń bekitilgen baǵasy tonnasyna 13 500-14 500 teńge bolyp turǵan kezde ony 16 500 teńgeden satqan saýda núktesin anyqtady. Qazir tekserilip jatyr. Al qalǵan 8 saýda núktesine kómir baǵasy turaqty», - dedi ol.
Sonymen qatar bólim bastyǵy kómirdi alyp satýshylar qalaı anyqtalatyndyǵyn aıtyp berdi.
«Bizde utqyr top bar. Olar saýda núktelerine arnaıy reıd júrgizip otyrady. Buǵan qosa, satýshylardyń ózderi de alypsatarlardy aıtyp beredi. Sebebi olar kúnine birneshe ret kelip kómir satyp alady. Munan bólek, kómir naryǵyndaǵy jaǵdaıǵa elordaǵa taıaý aýyl turǵyndarynyń kelip, kómir satyp alýy da áserin tıgizip otyr», - dedi ol.
Osy rette Maqsat Ysmaǵulov ótken jylytý maýsymynda kómirdi alypsatarlarǵa qansha aıyppul salynǵanyn aıtyp berdi.
«Ótken jylytý maýsymynda kómirge baǵany kóterip jibergeni úshin shamamen 24 mln teńgeniń aıyppul sanktsııalary qoldanylǵan bolatyn. Al aǵymdaǵy jyly mundaı bir ǵana derek anyqtalyp, onymen Tabıǵı monopolııalardy retteý jáne básekeestikti qorǵaý departamenti shuǵyldanyp jatyr», - dedi bólim bastyǵy.
Aıta keterligi, búgin elordada ótken baspasóz máslıhatynda Astana qalalyq otyn-energetıkalyq kesheni jáne kommýnaldyq sharýashylyǵy basqarmasy basshysynyń orynbasary Baǵdat Baısadyqov qatty otyn satatyn jerlerde Shubarkóldiń bir tonnasy 13 500-14 500, Maıkóbe 12 500 myń, Qarajyra 14 000, Bogatyr 9500 teńgeden saýdalanyp jatqanyn aıtqan bolatyn.